朋友仔是永遠的情人！蔡思貝朝早6點送花上湯洛雯屋企，靚湯成情人節最幸福女仔～！

情人節有另一半送花當然好開心，不過冇情人嘅女仔一樣可以過得好幸福，因為閨蜜係你一輩子嘅情人，有為你著想嘅朋友仔絕對係世上最幸福嘅事！今年情人節湯洛雯（靚湯）雖然冇情人，但佢嘅閨蜜蔡思貝同朱千雪代替男友送花俾佢，令靚湯成為情人節最幸福嘅女仔！

靚湯同蔡思貝感情好眾所周知，早前佢地仲分享咗一張溫馨又親密嘅合照，彼此都有深厚閨蜜情～

靚湯喺Instagram張貼Story，內容係蔡思貝喺朝早6點鐘，就揸住一大紮玫瑰花企喺佢屋企門口俾驚喜佢，靚湯表示自己「好那」感動：「This is not normal touching this is ho la touching omg!」

原來蔡思貝朝早6點鐘就去咗靚湯屋企樓下，係咁求樓下管理員俾佢上去靚湯屋企擺低紮花，但因驚嘈醒佢所以唔俾人按門鐘，靚湯對閨蜜嘅暖心舉動表示：「omg，太sweet了，我仲未接受到，hahahahahaha」

之後蔡思貝喺自己Instagram透露原來紮花係同一個70歲婆婆買，由於佢之前睇咗一個報導知就婆婆全年無休通宵賣花，所以佢就專程去幫襯～

除咗蔡思貝外，朱千雪都有送花俾靚湯，而且佢仲親手寫咗封信俾靚湯，祝佢搵到一個愛佢嘅人，真係好sweet好細心啊～！

朱千雪同靚湯同參選2012年港姐競選，之後成為好朋友，早前佢地兩個一齊拍攝大台旅遊節目《3日2夜》，展現溫馨又可愛嘅友誼！

Text：GirlsLike Editorial

Photo source：Instagram