幫做家務冧媽咪！范瑋琪黑人4歲孖仔超乖，人仔細細已幫手吸塵買嘢，令媽媽好欣慰～！
台灣歌手范瑋琪（范范）同陳建州（黑人）結婚8年來一向恩愛，佢地嘅一對4歲孖仔飛飛、翔翔亦一直非常討人喜愛，日前范范喺自己Instagram上分享2個仔仔幫手做家務同到超級市場買嘢照片，作為媽媽嘅范范表示覺得好欣慰！
范范同黑人於2011年結婚，兩人嘅甜蜜恩愛早已深份民心，相愛18年、結婚8年仍然恩愛如初，早前情人節范范於上海開演唱會，黑人特地帶住兩個仔飛到上海俾驚喜太太，並於台上甜蜜表白擁吻范范，令佢感動落淚！
三父子除咗情人節識做外，平日都令范范覺得好幸福，兩個4歲孖仔飛飛同翔翔人仔細細已經識得幫媽咪手，喺屋企吸塵同去超級市場買日用品，佢地推車仔幫手買嘢，又識得拎嘢俾老闆埋單，超級乖仔！
范范見到兩個仔咁生性，都表示覺得好欣慰：「會幫媽媽採買生活用品了（雖然一半都是拿自己愛吃的小魚餅乾），還會自己拿給老闆結帳。媽媽覺得兩隻又長大了！（表示欣慰啊啊～）」
網民都紛紛留言大讚：「看動作就知道是認真的~很能幹的小孩」、「兒子們長大囉」、「精靈的飛飛翔翔」、「好乖」、「范范很會教小孩喔」！
飛飛同翔翔除咗性格乖巧外，仲好活潑可愛，所以網民們都好鍾意呢兩個小可愛，睇見佢地個心都融化啦～～！
有老公同仔仔嘅愛錫同守護，范范係世上最幸福嘅女人無誤，令人超級羨慕啊！
Text：GirlsLike Editorial
Photo source：Instagram
