「無論在愛情什麼階段，女生也要獨立。」周秀娜的4個愛情領悟 ， 獨立背後仍期待認為值得為他放棄事業的人出現~

娛樂圈不乏又靚又叻嘅女星，但講到近依十年比較傳奇嘅成功女藝人，周秀娜可以話係其中一個。由當初賣弄性感嘅嚫模到踏足電影圈獲得金像獎「最佳女主角」提名，再到其後打造自己嘅內衣品牌，佢喺每一個階段都盡心盡力做到最好，成績大家有目共睹。可惜成功嘅事業無為佢嘅愛情變得順利。相反仲同拍拖六年嘅男朋友分手，至此一直過著單身貴族嘅生活。十年過去，周秀娜對於愛情都有唔同嘅領悟，以下係佢曾經講過嘅愛情金句，唔知有無勾起妳嘅共鳴呢？

1.「無論在愛情什麼階段，包括結婚之後也要獨立」

佢直言無論喺愛情咩階段都好，女生都要學會獨立，唔好完全依賴對方。獨立除左係對自己成長嘅一份肯定外，獨立仲會令一個女生變得更有魅力。

Photo from chrissienana@ig

2.「一個人很自在，只要學懂與自己相處，便發現已不再需要在另一人身上找安全感」

好多人拍拖耐咗就習慣有另一半嘅陪伴，好驚自己一個。不過周秀娜就話當妳試下好好同自己相處，例如獨自去旅行，就會發現唔再需要係另一人身上搵安全感，因為自己一個都可以俾到安全感自己，而且仲會更自在。

Photo from chrissienana@ig

3.「只係其中一個選擇並唔係唯一嘅選擇」

女生一近三十歲，身邊嘅人就會有意無意叫妳快啲搵人嫁咗佢，周秀娜當然同樣遇到依個情況。但周秀娜話過唔想為戀愛而戀愛，為結婚而結婚。三十歲之前結婚嫁人只係人生中一個選擇而唔係唯一嘅選擇。

Photo from chrissienana@ig

4.「我可以為他放棄事業， 如果我認為是值的話」

曾相處六年嘅男友因爲偷食而忍痛分手，但傷心過後周秀娜依然好期待愛情嘅來臨。佢曾經講過唔會視分手為失去全世界，分手之後佢更努力工作，事業更上一層樓。只要有一個值得嘅男人出現，甚至可以為左佢隨時放棄事業，可見佢真係一個敢愛嘅女生。

Photo from chrissienana@ig

Text：GirlsLike Editorial

Photo source：chrissienana@ig