不要落入別人的圈套！懂得愛自己前，女生必須學識不去做這些事情—不要對自己嚴苛、不要打算討好所有人！
識得愛自己係必須透過學習才先可以能獲得的技能，網路作家Amorie Lim 跟讀者分享喺學會愛自己前，你必須先學會唔去做嘅事。女生們，唔好再落入人哋嘅生活圈套，新一年好好為自己而活吧。
Photo from missjni @ ig
#1 唔好打算討好所有人
想要所有人開心太難喇～有說以禮相待，用心待人好重要，但要滿足唒所有人，倒頭嚟只會令自己筋疲力竭。學會於自己能力範圍中幫助其他人，但都要識得喺自顧不瑕時拒絕他人，專心處理好自己嘅事先可以更上一層樓～
Photo from wongtsuiyu @ ig
＃2 唔好試圖令所有人都鍾意你
能夠做到面面俱圓固然係好事，但事實上，即使你為人圓滑但仍然好難做到「人見人愛」，要令所有人都鍾意你係無可能嘅事。學會接受每人都有對事物各有不同喜好後，就要識得感謝喜歡你嘅人，以及留下來陪伴你嘅人。每個人都有唔同嘅價值觀同信念，正所謂「道不同不相為謀」，對於不喜歡你嘅人，你並唔需要感到煩惱，繼續做好自己吧～
Photo from wongmanyik @ ig
＃3 唔好總係希望從他人身上得到認同
你可能會因為透過希望滿足身邊嘅人，從而得到快樂，但長期咁做只會因為你無法真正活出自我變得愈來愈討厭自己同身邊人。女生要記得呢個世界上，你最需要得到認同嘅人，其實就係你自己！搵到自己優點、一投之長，真實地為自己而活吧～
Photo from wong_manman @ ig
＃4 唔好驚失敗
恐懼係一種選擇，如果你選擇恐懼，恐懼就會化成阻礙你向前嘅力量，但如果你視恐懼為學習過程，不問結果但求學習，你必定會從中得到新知識。即使努力後結果仍然係失敗，但至少令你知道有咩方法係行唔通，下次嘗試嘅時候就會識得避過阻礙，更有機會達成你心目中嘅目標。
Photo from ghlchan @ ig
＃5 唔好想一步到位達至完美
有要求係一件好事，但切忌想一步登天，做到百分百完美，因為我哋總係可以搵到繼續進步嘅空間。真正重要嘅，係不斷令自己變得更好，唔需要對自己過份嚴苛，而係感謝每次嘅失敗同成就，並享受於過程中。
Text：GirlsLike Editorial
Photo Source：Instagram
