「自嘲是幽默的最高境界」4個小S人生哲學，呈現自然不做作的自己！

Hot Topics Self

By Maggie on 20 Feb 2019

Digital Editor

徐熙娣依個名喺香港可能比較少人聽到，但一提到康熙來了嗰個女主持小S，大家彷彿又記起佢係邊個。無錯佢就係喺節目入面敢言又鐘意自嘲嘅小S。小S俾人感覺自然不做作，深得女仔歡迎，但原來依個形象背後係有一套自己嘅人生哲學係入面。

1.「我不在乎鏡頭裡面的我是醜或是美，我只希望可以呈現一種自然美。」

如果大家有追蹤佢嘅ig就會發現小S同其他大部分女星好唔同，就係佢ig大部分嘅相都係自己嘅素顏照同埋其他醜怪照，佢就係鍾意發佈自己最真實最自然嘅一面俾大家睇～依一點真係唔係每個女星都敢做～

Photo from elephantdee@ig

2.「人最好的狀態，頂多就是自在。」

小S喺鏡頭前講嘢從來都無掩飾於人前，只會赤裸裸咁將自己嘅想法大膽講出來，因為佢覺得做自己係一件自在嘅事。只要感受到自在，佢就會有最好嘅狀態可以將歡樂帶俾觀眾。

Photo from elephantdee@ig

3.「我願意把心裡很窩囊和低潮黑暗面說出來。」

明星俾人感覺好風光，即使背後好潦倒都唔會公開表達出來。不過小S就岩岩同人地相反，小S會願意公開指出自己嘅問題，從而自我反省，令自己更進步。小S曾經喺ig剖白過因為自己40歲嘅緣故，眼袋同淚溝都開始明顯，於是打肉毒同埋玻尿酸解決依個問題，點知效果出到來同「僵面怪」無分別！小S坦然話依次之後開始反思外表嘅重要性，知道自己今次只係自尋煩惱，真正愛佢嘅朋友同粉絲係唔會因爲佢個樣變老而唔鍾意佢。

Photo from elephantdee@ig

4.「自嘲係幽默嘅最高境界。」

小S喺康熙來了除咗鍾意開嘉賓玩笑亦都好鍾意自嘲。小S曾被報導發生家暴，於是日夜都被人追訪。小S喺節目到就開自己玩笑話只係家暴過兩次而已，而且諗過分居，但無諗過要離婚～事後記者再追問，小S就反問大家點解咁無幽默感，仲話自嘲係幽默嘅最高境界！雖然唔知家暴係米真有其事，不過小S自嘲依個做法真係化解咗好多尷尬場面，而且可以將家暴依個謠言減低，甚至解破。