想做就去做！不要因反對聲音而氣餒～4句給追夢者的鼓勵說話，暖在心頭～
人生無夢想同咸魚有咩分別？相信依句說話對大家都唔陌生～係追夢嘅過程通常都係難關重重，不斷失敗之後又不斷嘗試，少啲情商都未必頂得住失敗俾妳嘅教訓～香港專頁「小小菇頭」就以追夢過來人嘅身分同大家分享有關追夢嘅插圖，當中加插咗鼓勵嘅字句，唔知追梗夢嘅妳有無暖在心頭呢？
1.只要你曾經說過「很想做某件事」，就去做啊！請不要因為反對聲音而氣餒。
追夢係一件既漫長又不切實際嘅事，但只要決定咗全力去追夢，就必然要犧牲某啲嘢，就好似係穩定嘅收入又或者時間。但追夢又點會一下子就成功呢？所以愛妳嘅家人同朋友就會出於好意反對妳踏上追夢之旅，正正就因為咁最後被逼無奈放棄。但小小菇頭就以過來人嘅身分同妳講千奇唔好因為反對聲音而感到氣餒，仲鼓勵大家要鼓出勇氣去實行''很想做嘅某件事''，因為妳唔去嘗試就連成功嘅機會都無！
Photo from tiny.guu.story@ig
2.當你願意踏出第一步，己經是進步，因為離目標又近了。
只要妳唔肯放棄，每次踏出嘅一小步都會拉近妳同目標嘅距離。過程雖然辛苦但只要夠堅持，成功最後都係屬於妳！
Photo from tiny.guu.story@ig
3.當你遇到困難就笑一笑！告訴自己沒甚麼是撐不過去的。
追夢過程又點會順順利利呢～可能連妳都開始質疑自己當初係咪落咗一個錯嘅決定呢？遇到困難嘅妳都開始垂頭喪氣～但妳一定要話俾自己聽無嘢係撐唔過嫁！只要以積極嘅心情再接再厲最後勝利者就係妳！
Photo from tiny.guu.story@ig
4.再努力往前走，美麗的風景就在終點等你。
遇到困難妳都仲可以積極面對，但如果妳係灰心到快要放棄，咁又可以點呢？請妳記住當初點解有追夢依個決定～只要勿忘初心，就有動力繼續向前走，終點差少少就同妳碰面啦～
Photo from tiny.guu.story@ig
Text：GirlsLike Editorial
Photo source：Instagram
