「有你的地方就是我家」!《1+1+1》梁詠琪感激老公Sergio為愛離鄉別井,觀眾感動淚崩~

「有你的地方就是我家」!《1+1+1》梁詠琪感激老公Sergio為愛離鄉別井,觀眾感動淚崩~

Hot Topics
By Aisa on 20 Feb 2019

最近星期六晚上播出由車婉婉主持嘅愛情節目《1+1+1》,請來多位娛樂圈嘅「星級」父母擔任嘉賓,同大家分享同另一半由戀愛直到步入婚姻嘅故事,當中更包括佢地成為人父人母嘅心路歷程~第一集先由主持人車婉婉分享自己嘅故事,引起觀眾們熱烈討論,而第2集更請來「星媽」梁詠琪做嘉賓~

梁詠琪 (Gigi)宜家已經係有一個可愛囡囡嘅幸福媽媽,唔知你仲記唔記得佢同鄭伊健曾經一齊七年,可惜二人戀情最終未能開花結果~

之後,Gigi一直尋尋覓覓,但都未能搵到Mr. Right。喺緣份引領下,2011年佢喺前往西班牙旅行嘅時候結識咗現任老公Sergio,二人短時間內擦出愛火花,拍拖大約半年就閃婚,直到現在依然非常恩愛,所以話緣份係注定嘅。

提到同老公邂逅嘅經過,Gigi話第一次同Sergio相見時就已經有「一見鐘情」嘅感覺,而且兩人非常投契,雖然只係經歷短短嘅假期,但大家都已經感覺到對方就係「對的人」~當假期完結,Gigi要番去香港,大家都好唔捨得,更喺機場相擁而哭~

二人同時決心要展開Long D,Gigi話要維繫異地戀係需要靠雙方嘅堅持同鼓勵,佢好感謝老公Sergio當時一直付出努力去做呢件事,佢地當時約定每3個星期見面一次,最後確認對方嘅心意後毫無顧慮就閃婚啦~

Sergio亦有同Gigi一齊出演節目,佢被問及第一次見面時候Gigi嘅衣著打扮,依然記憶猶新,而且對於Gigi一切喜好都好清楚,仲大讚佢心地善良~而Gigi亦好欣賞老公真誠嘅性格,話佢唔會隱瞞任何事,所以二人可以坦誠相對,解決任何問題~

而Gigi話最令佢感動嘅係老公Sergio為咗佢而離鄉別井到香港發展,因為佢記得外婆話過一生中最大嘅遺憾就係長子移民後唔喺自己身邊,所以Gigi諗到老公父母嘅傷感,就覺得老公為佢犧牲咗好多。Gigi曾經過比老公知佢呢個想法,Sergio就講咗一句話,令Gigi感動落淚:「這是我的選擇,如果你問我哪裡是我的家鄉,我會說有你的地方就是我家。」呢句咁窩心嘅說話,就連主持人車婉婉聽完都瞬間落淚。

人生中如果可以搵到一個願意為自己付出所有嘅另一半,係最值得感恩嘅事,可見宜家嘅Gigi到底有幾幸福,佢希望將來可以陪老公一起多啲番西班牙探家人。今日嘅Gigi同老公Sergio同囡囡Sofia,三個人生活美滿,相信大家都好替她佢搵到幸福而感到高興~

Text GirlsLike Editorial

Photo Source:instagram, mytvsuper

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK