打破門不當戶不對的愛，是無聲勝有聲～當羅力威遇上雨僑—暗號變情話、節儉是默契也是樂趣。
怕醜仔羅力威曾經罕有向雨僑公開發表愛的宣言「走在一起大約7、8年的時間，很奇妙找到了一個和我在很多方面都很合拍、和一樣不計較的人…… 我想大概從此就不會分開了。」試問有邊個女生睇到會唔冧？二人相愛無驚天動魄嘅事跡，男方由畀人批評係「二打六歌星仔」出頭，一直都星運平平，但遇上雨僑，就尋找到無數小確幸。正如雨僑咁講「默契有時候未必真的需要培養，像是上帝創造一個跟你相配的人」，伴侶從彼此眼神中，會發現只有你可以讀懂、又獨人無二嘅眼神，既係一種默契，亦係一種無聲勝聲嘅愛情。
Photo from adasonlo ＠ ig
二人由相識到結婚可謂波折重重，戀情一開始不被看好，全因「門不當戶不對」。雨僑畢業於港大生物系，畢業後進軍娛樂團，後來被蕭定一賞識簽為旗下公司藝人。2009年，羅力威喺歌唱比賽中以自創歌曲「尋找的是你」比賽得到冠軍而出道。但因為發展空間有限，一直星運平平，名氣跟雨僑差天共地。
Photo from adasonlo ＠ ig
2011年，雨僑邀請羅力威做佢嘅演唱會嘉賓，自合作後，二人更顯得投契，開始傳出戀情。當時蕭定一大動肝火，唔單止叫羅力威做「二打六歌星仔」，更揚言如果雨僑堅持同羅力威一起，就會放佢入雪櫃。戀愛大過天嘅雨僑好夠薑頂撞老闆，拋下一句「我唔鍾意人咁稱呼我朋友」回應老闆。
Photo from avabibu ＠ ig
不過現實歸現實，兩個人之後一直將戀情低調處理，雖然中間經歷過風浪，但二人一直心連心，面對流言蜚語，佢哋小心翼翼守護愛苗。羅力威談唔上係高大型男，但小編相信，每人都有自己獨特嘅魅力，即使出相唔出眾，都始終有過人之處，羅力威嘅吸引力就係骨子裏嘅才藝。或者當初連雨僑都無諗過，電視機上自彈自唱嘅男生，會係自己追求嘅終身伴侶。緣份呢回事就確係奇妙，好似雨僑咁講，「做人留一線，日後好相見，你永遠唔知邊個第時係你老公。」或者宜家喺你身邊嘅人，有可能己經係愛情嘅種子。
Photo from avabibu ＠ ig
有人生活靠金錢尋求滿足感，但呢對小夫妻就鍾意「慳得一蚊得一蚊」，透過節省金錢去維繫感情，羅力威買平機票旅行，「並不是因旅程而快樂，而是這程你節省了甚麼。」節儉係兩公婆眼中唔單止係默契，亦係一種情趣。
Photo from avabibu ＠ ig
羅力威大讚老婆叻女，唔會急住要裝身就不停買手袋，「有次朋友推介一個減價的昂貴手袋，並相約多個好友一起買，但你當時忍手沒有買。」大概雨僑真係一個好女仔，知慳識儉。但重要嘅係，喺老公羅力威眼中，節儉都係一件可愛事，而唔係「婆媽又寒酸。」
Photo from avabibu ＠ ig
提及到二人情話時，羅力威跟雨僑呢一對戀人擁有屬於佢哋專屬而心靈感應嘅情話，比如係互相稱呼對方假名，方便係街上可以大聲召換老公老婆，製造出「共同語言」就係兩公婆嘅愛語了～
Photo from avabibu ＠ ig
要行過7年細水流長嘅愛情確實唔容易，娛樂圈花花世界甚是美，事但一方有動搖，都只會化成有緣無份嘅一段情。從一而終嘅羅力威一早已經認定雨僑，女方仲大爆其實幾年前羅力威已經買婚戒，令到雨僑超有安全感。
Photo from adasonlo ＠ ig
性格內斂嘅羅力威面對流言蜚語，堅持默默付出，正正係呢種風雨不改嘅耕耘，令兩個人都惺惺相惜。有時候，少女渴望嘅或者係男生嘅激情同浪漫；長大了，就需要一個會為自己默默做實事嘅男人，正如雨僑所言：「我哋關係最幸福係彼此持續付出，而唔係偶爾做一啲好感動嘅事，但成日都係激死對方。」
Photo from avabibu ＠ ig
對啊～維繫一段關係，就係需要走進對方內心世界，好好了解對方諗咩，當你懂得欣賞其他人無人能曉佢嘅美好處，而又願意默默守候，既係朋友又係戀人嘅關係就係無聲勝有聲，唔需要多此言語去解釋，都能感受到係最難能可貴。
Text：GirlsLike Editorial
Photo source：Instagram
