有才華又專一的好男人！《長命百二歲 II》方東昇懂7國語言，初戀就是老婆：她美的令人舒服～！

《長命百二歲 II》最近開播，由方東昇主持探討世界各地人口老化問題，不過觀眾們嘅焦點卻落喺方東昇身上，皆因這呢位前新聞主播嘅「爛Gag金句」和才華都非常矚目！

上一集方東昇訪問荷蘭首相呂特時以一口流利荷蘭語同首相交流，令首相驚喜萬分，不禁露出燦爛笑容，也讓電視機前嘅觀眾讚口不絕！

原來方東昇唔止講得一口流利荷蘭語，佢仲識得7國語言！除咗英文同粵語外，方東昇仲精通普通話、日文、俄文、德文等等，語言天份十分高！

方東昇唔止有語言天份，被稱為「中大才子」嘅佢讀書成績一樣出眾！方東昇1998年加入無線新聞部，1999年畢業於香港中文大學新亞書院新聞及傳播學系，當時佢係以一級榮譽畢業，更獲得新亞書院獎學金「最高榮譽誠明獎」。

佢轉數快所以經常爆出讓人津津樂道嘅金句，例如喺荷蘭同當地老人家打羽毛球時不敵，佢就話：「世界上最大的空間，就是進步空間」，另外仲有「失智事小，失蹤事大」、「菜未必有菜味，魚未必有魚味，但肯定有人情味」、「蹺埋雙手已經係幫手」、「為天下耆英送上祝福，可考慮稱為『祝英台』」等等～

而方東昇雖然才華洋溢，但對愛情卻非常專一深情！佢嘅太太係前新聞主播吳先瑩嘅妹妹吳先玲，兩人相識於2002年並於2006年結婚，係方東昇初戀情人兼終生伴侶！

當年26歲嘅方東昇無拍過拖，2002年喺同事吳先瑩婚禮上擔任司儀，遇上為家姐做伴娘嘅吳先玲，佢對呢個女仔一見鐘情並展開熱烈追求，更參加教會成為基督徒，後來成功抱得美人歸，一直到而家都相愛相守，方東昇更稱讚老婆：「美得令人舒服」！

身邊有一個如此有才華又專一嘅老公，相信吳先玲係世界上最幸福嘅女人，好羨慕啊～！

Text：GirlsLike Editorial

Photo source：TVB