男友直接把熱風吹到臉上～4件女友覺得冧爆的事，男友卻想不透！

男同女係思想、行為上有分別相信大家都會認同～但如果話女人天生諗嘢係比較神經質妳地又點睇呢？曾經有人格心理學研究發現女人真係比較神經質，可以話係生命初期就已經連住神經質依個特質出世～所以好多時男朋友都唔會明白點解自己另一半可以忽然有咁多古怪嘅想法又或者點解只係做咗件無聊嘅事，女朋都會覺得好甜蜜～大概就係女人獨有嘅神經質不由自主咁偷偷作怪吧～插畫家Murrz透過漫畫風嘅插圖記錄自己同男朋友相處時嘅可愛時刻同男朋友當時嘅反應，唔知妳地睇完之後會唔會發現自己都曾經做過呢？

1.我靚唔靚呀？我今日有咩唔同呀？

有時買咗件新衫，甚至只係搽咗個新眼影都會問下男朋友我今日靚唔靚呀？我今日有咩唔同呀？明知男朋友個答案次次都話靚！但都無阻妳繼續失驚無神問下男朋友同樣依兩個問題～答得唔好真係分分鐘有排佢答，所以只要妳對個答案收貨，佢就會鬆一口氣～

Photo from murrzstudio@ig

2.誇張十幾萬倍！

先唔講鬧交個時，女朋友總係會無意識咁誇大十倍男朋友嘅錯，有時真係連喺日常相處中都習慣誇張一啲無關痛癢嘅小事來博取男朋友嘅關注～就好似整傷咁，明明就只係俾張A4紙介到少少，都會講到自己血流不止咁！真係無妳符呀～

Photo from murrzstudio@ig

3.偷衫賊～

明明自己嘅衫就更岩size更舒服，但就唔知哪裡來的鬼主意，硬係要偷哂男朋友啲衫來著！

Photo from murrzstudio@ig

4.忽然要打機～

成日都埋怨男朋友掛著打機唔陪人，但忽然會要學打機，組隊做隊友～依個估妳唔到嘅想法真係嚇壞男朋友！

Photo from murrzstudio@ig

5.病時有佢照顧妳～

每次一病好彩都有男朋友照顧～雖然搞到妳成面頭髮仲要直接將啲熱風吹上塊面，但都搞到妳鬼咁感動～男朋友仲話唔明點解妳被佢整到咁痛都仲咁開心，真係男女思想大不同呀！

Photo from murrzstudio@ig

Text：GirlsLike Editorial

Photo Source：Instagram