黎姿公司上市成最靚CEO！公司晚宴請來張可頤、郭可盈和蔡少芬，四大凍齡女神合體～

凍齡女神黎姿2007年放棄演藝事業，改為從商，接手弟弟黎嬰嘅生意。星期一（18日）更由創業板轉主板掛牌，黎姿一路走來不易，宜家成為最靚嘅上市公司CEO，而且早前細佬黎嬰亦成功企番起身，大家都好替黎姿高興。尋晚佢更為公司舉行晚宴慶祝，請來幾位好姊妹張可頤、郭可盈同埋蔡少芬出席，黎姿同三位美人合照，相入面個個都仲係魅力四射，保養得宜令網民們羨慕呀！

Photo from 黎姿@Weibo

黎姿弟弟黎嬰2007年因車禍而變成植物人，而身為家姐嘅黎姿，就為咗照顧細路，放棄咗多年來用心經營嘅演藝事業，接手弟弟嘅醫學美容生意，並發揚光大。星期一（18日）更由創業板轉主板掛牌，記得當年佢一步步學習從商技巧，今時今日佢嘅努力令細路嘅生意愈做愈成功，好值得鼓舞！

Photo from 黎姿@Weibo

尋晚佢更為公司舉行晚宴慶祝，請來幾位好姊妹張可頤、郭可盈同埋蔡少芬出席。由90年代開始，幾位已經係TVB當紅花旦，相隔多年聚首一堂，四個人依然keep得好好，睇落完全唔似已經年過45~當中最大嘅係49歲嘅郭可盈，之後係48歲嘅張可頤、47歲嘅黎姿，而最細係蔡少芬45歲。

Photo from Internet

除咗張可頤之外，其他三位都已為人妻同媽媽，黎姿仲要已經生咗三個囡囡，不過四個人都凍齡有道，到宜家都仍然充滿魅力。

Photo from 黎姿@Weibo

Text：GirlsLike Editorial

Photo Source：Instagram