薑就是愈老愈辣～60歲毛舜筠經營出無悔婚姻和人生，不為虛度年華而羞恥，女人50+仍可以是人生巔峰！
影后毛舜筠 （毛姐）對生命積極—59歲時遠卦外國追夢成功，順利從法國藍帶廚藝課程中畢業，更開設了自家千呎曲奇餅店。從容嘅臉容，予人感覺就係無時無刻都和顏悅色，不時流露絲絲寬厚、知足幸福嘅笑容，話佢係一個幸福人妻也是無誤。幸福女人後就係有一個溫暖，充滿愛嘅家庭當後盾～日前毛姐老公區丁平生日，毛姐同大囡一齊為daddy慶祝生日，更於個人社交平台分享家庭照，已經亭亭玉立嘅大女區被網民大讚靚女又有氣質。
Photo from moje115 @ ig
毛姐與囡囡一齊為老公區丁平慶生，畢業於溫哥華名牌大學嘅長女區令山隨即成為了網民焦點。
Photo from moje115 @ ig
所謂「薑愈老愈辣」，經歷過3段婚姻嘅毛舜筠，同現任丈夫區丁平結婚24年，幸福美滿嘅毛姐對於兩性相處同育兒方法都深有體會。
Photo from moje115 @ ig
現實中，毛姐同兩個女嘅感情好好，佢話同囡囡就好似朋友咁相處，關於生活上嘅大小事都會一齊傾，而且好享受一齊去shopping、一家四口去旅行等時光。毛姐話教養兩個女嘅重點係自小就比佢地好多愛同肯定，等佢地可以建立自信：「我們是基督徒家庭，要教的事情在她們20幾歲前已教過了。現在就視乎她們如何做一個負責任、能夠愛人的人。需要傾訴時，她們也會找父母，所以我們都不會太擔心她們。」
Photo from moje115 @ ig
談到育兒心得，毛姐以「放風箏」做比喻—「當佢哋仲細個時，就要將佢哋拉緊啲，因為佢哋咩都唔識，然後將佢哋必須要學嘅事於18歲獨立前盡早教曉佢哋，例如係學識做個負責任嘅人、獨立、保護自己等等。」放風箏都有放繩嘅一日，當愛女長大後，就「開始將條繩放鬆」，又提家長「父母除咗言教外，身教都好重要，平日生活模式同待人處事就是身教。」咁多年來，毛姐都係抱住「活到老學到老」嘅態度—考藍帶，學多國語言、開曲奇店，大概就係對女女最有力嘅身教了。
Photo from moje115 @ ig
至於喺婚姻上嘅體會，毛姐同第三任丈夫區丁平結婚就快25年，佢覺得：「當兩個人初認識時，是因為不了解對方，可能只是被某樣特質吸引住，到生活在一起時，真實的一面會好易暴露出來。你可能話對方令到你失望，但同時，自己也一樣予人這樣的感覺，我覺得這是永恒。」無人能夠面面俱圓，一段再美好嘅婚姻入面，都會有「瑕疵」，唯有看透、接受、磨合，先係夫妻共白頭嘅要訣～
Photo from moje115 @ ig
遺傳爸爸媽媽優良基因，兩個小千金生得十分標籤，散發住星二代嘅氣質，卻又不失沉實不愛出風頭嘅良好態度～毛姐更指，大女鍾意低調，而且希望可以成為老師，所以未必會入娛樂圈。
Photo from moje115 @ ig
毛姐好欣慰咁話「兩個女兒現在長大了，和我似好朋友般，關於生活上的所有事都可以一齊傾，我又好enjoy一齊去街shopping大家可以交換衫着。」
Photo from moje115 @ ig
雖然毛姐曾經歷了人生的大起大落，但她依然努力地活好人生的每一秒：「當你回首往事，不因碌碌無為而悔恨，不為虛度年華而羞恥。咁你就可以好驕傲咁同自己講：你無負此生！」
Text：GirlsLike Editorial
Photo source：Instagram
