邊個話頭大無腦！研究：頭圍較大的人更聰明～原來頭大的人一直被誤會了
由細到大都聽人話「頭大無腦」，不過呢個可能只係一個誤會呀，頭大嘅人唔單止唔係無腦，仲可能醒目過人呀！因為有研究發現頭圍較大嘅人更聰明，終於有人走出嚟幫「大頭寶寶們」講番句公道說話啦～！
Photo from Pinterest
刊登喺科學期刊《Molecular Psychiatry》入面一項研究指出，頭圍較大嘅嬰兒日後喺語言同埋數理方面嘅能力會較強，教育程度都會較高。
Photo from tinyuilee@Instagram
研究團隊通過分析UK Biobank（英國生物樣本庫）所收集約50萬名介乎37-73歲參與者嘅個人資料，進行分析。研究嘅主要目的係想解開大腦功能同埋DNA之間嘅關係，通過分析結果最終發現頭圍及腦容量與認知能力及智商有關。研究發現頭圍較大的嘅嬰兒日後更聰明，將來較易成功。
Photo from Pinterest
另外，南安普頓大學教授Dr Christopher Martyn都曾經主導一項研究，研究215名介乎75-80歲嘅老年人，結果發現頭圍較大嘅人即使步入老年都有較好嘅認知能力，同時較細機會患上阿茲海默症。
Photo from 趙薇@Weibo
從此以後大家都唔洗因為比人話頭大而傷心同尷尬啦！下一次再有人話你頭大，你就可以好自豪咁話佢知：「我頭大係因為我聰明過人咋！」
Text：TopBeauty Editorial
Photo Source：Pinterest, Instagram
