【調教你MIRROR】花姐成為經理人有苦自己知被指變質慨嘆朋友一個個離去

By Khristina on 01 Jul 2021

Digital Editor

ViuTV真人騷《調教你MIRROR》昨晚（6月30日）不只調教一班鏡仔，導師梁祖堯（阿祖）更親自出手調教金牌監製兼經理人花姐，在阿祖的引導之下花姐罕有地在鏡頭面前真情剖白，道出成為經理人之後的難言之苦。

Photo from ViuTV截圖

成為經理人壓力大不時爆喊

作為MIRROR最重要的幕後推手，花姐坦言自從成為經理人後壓力太大不時爆喊，她說：「由細到大都唔係做過經理人，做經理人之前係做Production，我都唔係好識得點放低工作嘅人。」加上自己是一個凡事都要親力親為的人，把很多工作事情攬上身：「我成日有個心態，係我叫佢哋16個入行，覺得我有一啲嘢做得唔好，有一樣嘢放輕咗唔理而令件事出嚟唔好，我係有個好大責任。」

Photo from ViuTV截圖

犧牲與家人的相處時光

花姐表示，因為工作忙碌而犧牲了與家人相處的時間感到內疚。現年48歲的花姐育有兩個分別19歲和15歲的兒子，而丈夫是個重視家庭樂的人，過往每星期都設有家庭日，放假會一起出遊。但自從成為MIRROR經理人之後，便打破了這固定的天倫之樂，丈夫亦因為自己花太多時間照顧MIRROR有微言。

Photo from IG

朋友不諒解漸漸離去

花姐直言自己是喜歡群體生活的人，之不過成為經理人後，因為身邊朋友的不理解和不諒解而逐漸離她而去，她說：「可能一出嚟就問我MIRROR點㗎？好多時我唔出聲，好怕就避開佢哋，有啲就認為我變咗，唔係以前認識嘅花姐，係佢哋遠離我，種種原因令我少咗朋友。」至於令她最著緊的是與鏡仔的關係：「這半年內跟MIRROR關係起伏好大，大家覺得我們關係像母子，我們關係曾經很差，那時有擔心是不是要去到反面的地步？我也不想有一刻告訴自己，我要放棄他們。」

Photo from ViuTV截圖

花姐真情剖白十二子神色凝重

MIRROR十二子透過手提電腦看完花姐的真情剖白，各人神情凝重各有不同感受。姜濤說：「我哋每一個人都有責任，係因為我哋佢先咁，我哋12個人，無論我哋點樣，都有12個麻煩，有12個人各自要求，每個人到自己要求有各自方法，佢為咗我哋逼不得已去改變。」Anson Lo表示花姐可能在工作上無法公平對待每個人，但無可否認的是她好錫每一個隊員。