蔣怡感謝老公將怨氣化成浪漫,做好家庭分工,平衡愛情與家庭:老婆專心錫仔女;老公專注寵老婆!

蔣怡感謝老公將怨氣化成浪漫,做好家庭分工,平衡愛情與家庭:老婆專心錫仔女;老公專注寵老婆!

Hot Topics Relationship
By Michelle on 25 Feb 2019
Digital Editor

由車婉婉主持嘅愛情節目《1+1+1》,請嚟多位娛樂圈嘅「星級」父母擔任嘉賓,同大家分享同另一半由戀愛直到步入婚姻嘅故事,當中更包括佢地成為人父人母嘅心路歷程~上星期6晚上就請嚟名模蔣怡分享佢跟老公翁狄森嘅相處之道同愛情故事。已經育有一仔一女看似擁有美滿家庭嘅翁生翁太,其實雙方於愛情同家庭平衡上都曾經步入樽頸位,感動嘅係雙方都願為家庭作出調節。

Photo from cocochiang @ Ig

唔講唔知,蔣怡同老公翁狄森可以話係拍拖終極長跑,二人拍拖13年多,2013修成正果年宣布拉埋天窗。有說「合久不婚就必分」,但蔣怡就一開始已經係以拍拖為中心,以二人為單位,將愛情放於第一位。

Photo from cocochiang @ Ig

蔣怡以前曾經透露,即使同翁狄森拍拖10幾年,對方已經求咗幾次婚,但佢仲未有結婚念頭。佢一直享受拍拖、無小朋友,去旅行嘅生活。話雖如此,二人拍拖多年依然甜蜜恩愛,佢同翁狄森嘅愛情上並未有出現「平淡如水」嘅危機。

Photo from cocochiang @ Ig

當愛情來了,伴隨而來就是男方嘅承諾。旁人眼中,以前享受拍拖嘅蔣怡大概係個未定性嘅女生,戀愛大過天卻未有好好為自己將來打算,小妮子雖然闊佬懶理,但多次食檸檬「求婚不遂」嘅翁狄森卻未有半步離棄過愛自由嘅蔣怡,一路陪伴到佢想成家立室嘅一日。

Photo from cocochiang @ Ig

婚後生咗大女翁容,一向習慣自由自在嘅翁氏夫婦,一直享受一家三口樂也融融嘅溫馨。榮升媽咪嘅蔣怡,2014年突然萌生出埠學廚嘅念頭,其實蔣怡一向都熱愛下廚,只係礙於亮麗的外表,令人覺得佢只係「玩玩吓」,老公鼓勵佢去學藍帶。當時大女只有1歲幾,兩公婆討論後,認為係離開嘅最好時機,結果蔣怡花咗9個月時間追夢,更考獲全級第一名!

Photo from cocochiang @ Ig

但回港後,發現「離開最好時機」實際上都只係「無咁差嘅時機」。對蔣怡嚟講,成為「消失的媽咪」代價係追不回女兒嘅成長階段,雖然只係短短9個月,但蔣怡坦言要佢重新選擇,佢唔會去追夢。「有次她病了整個星期,只要工人姐姐不要我,一病便不要我,那刻好傷心,好彩過了半年後,她時常要我,每次我工作完返家,她都很想念我,又錫又攬我,真係好開心。」因為少見而變得疏離,但幸好蔣怡努力追回跟愛女嘅關係~

Photo from cocochiang @ Ig

因為有咗家庭,蔣怡都慢慢變得成熟,有番為人母親嘅風範,佢認為失去嘅感情可以追回,但失去嘅時間,就無論點都追唔番。為咗彌補失去嘅時間,蔣怡努力作出配合,慢慢生活圈子都隨住而改變。

Photo from cocochiang @ Ig

除咗主動認識小朋友家長,旅行伴侶亦由拍拖二人世界變成選擇跟其他家庭同行嘅「親子團」。即使蔣怡一開始唔想做媽媽,甚至唔想結婚,後來奉子成婚,蔣怡變得享受做媽媽嘅生活。「在外出工作我是名模,回來女兒面前立刻要化身成一隻大象。」

Photo from cocochiang @ Ig

《1+1+1》節目中,蔣怡談及愛情同家庭嘅平衡,佢感謝丈夫可以將佢嘅怨氣變得浪漫。二人雖然曾經協定即使結婚後,都要以彼此關係為中心,但現實中往往難以實行,育有子女後蔣怡心繫一對仔女,反而冷落咗老公。但後來夫妻二人有共識—蔣怡將心機放於仔女上;老公則以老婆為第一位。

Photo from cocochiang @ Ig

身兼母職,勇敢追夢﹐再將重心回到家庭崗位上。正正係因為走過人生唔同階段,領會自有不同,追求都會改變。成日話「成功嘅男人背後總有個女人」,其實「真女人背後都有一個默默付出嘅男人」,願意作出人生斷捨離,大概就係有一個無條件愛自己、支持自己嘅老公,互相扶持地成長,陪件走過一個又一個人生關卡~

Photo from cocochiang @ Ig

有時候,愛情能夠長久,感情一日比一日深厚,未必係靠製造驚喜,反而係平淡但恆常永久嘅諾言。

Photo from cocochiang @ Ig

Text:GirlsLike Editorial

Photo Source:Weibo,Instagram

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK