感激女友陪伴走過難關！袁偉豪暗示今年結婚，張寶兒甜蜜回應：「我跟你」

37歲TVB藝人袁偉豪（Ben），與同為藝人27歲張寶兒（Bowie）已經拍拖兩年～唔知大家仲記唔記得，其實上年已有指二人計劃今年會拉埋天窗，日前袁偉豪接受訪問嘅時候，表示有意喺海外註冊結婚，而張寶兒亦回應一句：「我跟你」暗示一切都會跟從男友嘅意思，非常甜蜜，令大家都想快啲聽到佢地嘅喜訊呀！

Photo from benontheroad@Instgram

近年袁偉豪事業愛情兩得意，除咗喺事業上愈戰愈勇，仲同女朋友張寶兒好sweet， 周不時會喺Instagram上高調放閃。

Photo from benontheroad@Instgram

其實兩人係喺2016年因為拍攝旅遊節目而相戀。上年對袁偉豪嚟講，可說係傷痛嘅一年，要面對各種 負面攻擊，爸爸又因為癌症病逝，當時佢趕唔切去見爸爸最後一面，一時間未能釋放情緒，亦因此佢成為屋企嘅支柱，就算傷心、崩潰，都仍然要主持大局。佢好感激作為女朋友嘅張寶兒一直喺佢身邊扶持，甘苦與共。

Photo from _bowiecheung@Instgram

於上年已有有報導指出兩人因為經歷過唔少風浪，早已認定對方就係終身伴侶，所以有計劃明年結婚。袁偉豪：「2018年經歷了很多，人生難求的是有任何事情發生都有人陪伴在你身邊，陪你經歷、分享和面對，這些都是很難得的。」而提到係唔係已經搵到人生伴侶，佢話：「我相信我找到了，也不想再經歷從前經歷過的錯失，或是一些不珍惜的時刻。現在很多朋友會問我幾時結婚，大家不用急，到了適當的時機我自然會說。」

Photo from benontheroad@Instgram

日前接受訪問嘅時候，袁偉豪就話唔排除會喺海外閃婚或者秘婚，喺外地低調註冊後，先再回港公布婚訊。而張寶兒亦表示：「我跟你」相信佢已有做袁太嘅準備，令觀眾們都非常期待佢地嘅喜訊，希望可以快啲收到好消息啦！

Photo from _bowiecheung@Instgram

Text：GirlsLike Editorial

Photo Source：Instagram