哈利波特迷此生必到！親臨神秘魔幻「古靈閣巫師銀行」內部場景，哈利波特影城4月開放參觀～

哈利波特電影之所以咁成功，除咗因為一系列嘅故事情節引人入勝之外，更重要嘅當然係製作團隊用心打造嘅精緻場景啦～一個個充滿神秘感覺嘅場景，令觀眾猶如親臨魔法世界，非常吸引！如果同你講現實中都可以親身來到哈利波特場景，你又期唔期待呢？

Photo from 《哈利波特》劇照

相信每個哈利波特迷心入面都會有一個願望，就係想可以好似電影主角一樣親歷夢幻又神秘嘅魔法世界！而我地再唔需要靠幻想去達成心願啦，除咗大名鼎鼎嘅「九又四分之三月台」外，今年 4 月喺英國「倫敦華納兄弟哈利波特影城」（Warner Bros. Studio Tour London）將會正式開放「古靈閣巫師銀行」比各位哈利迷朝聖！

喺哈利波特入面，古靈閣銀行位於斜角巷鬧區，外觀睇起嚟係一棟高聳嘅白色建築。

Photo from 《哈利波特》劇照

需要透過一組青銅門同埋一扇銀色大門進入大廳，守衛相當森嚴。

Photo from 《哈利波特》劇照

裡面唔單止，有嚴密嘅保安措施保護住巫師們嘅貴重物品，而且佢嘅金庫位於倫敦地底幾英里外，所以想拎野嘅人，一定要坐以魔法導航嘅拉車先可以到達自己保險庫

Photo from 《哈利波特》劇照

Photo from 《哈利波特》劇照

雖然古靈閣巫師銀行喺《哈利波特》8集電影入面，只係出現過兩次，不過相信已經令觀眾們印象深刻，哈利、榮恩同妙麗要潛入古靈閣入面貝拉·雷斯壯嘅金庫一幕，真係回想起都覺得好緊張刺激！

Photo from 《哈利波特》劇照

嚴密又複雜嘅古靈閣，令各位哈利波特迷都好想到裡面一探究竟，而大家終於有機會啦！喺哈利波特影城裡面，外觀攀爬著一隻半瞎嘅龍嘅古靈閣一向都只係開放外觀，不過今個 4 月終於開放內部比大家進入，令人非常期待。

哈利迷除咗可以窺探古靈閣嘅內部機關外，更會展出電影裡面所用嘅服裝道具，更有超過 21 萬枚電影入面出現過嘅加隆(Galleon)、西可(Sickle) 同納特 (Knut)貨幣！

Photo from 《哈利波特》劇照

其實倫敦華納兄弟哈利波特影城本來就係一個好值得遊覽嘅地方，場內還原唔少哈利波特電影嘅經典場景、道具，魔幻霍格華茲城堡群、9 3/4月台、鄧不利多校長室等等，哈利迷一定唔可以錯過！

Text: GirlsLike Editorial
Photo Source: twitter