神隱7年傳患腦癌和抑鬱症～41歲李珊珊罕有出關，抗病感受自白：精神和肉體都很痛苦。
曾是男人心目中嘅一代女神，擁有魔鬼般嘅姣好身材，現年41歲嘅李珊珊近年絕跡於幕前。事實上，李珊珊自2011年出席慈善賽車活動後，就未有再出席公開活動，亦甚少於個人社交網站分享日常生活同近況。有傳珊珊生腦瘤兼患抑鬱症，雖然佢無正面承認傳聞，但身體健康確實出現問題。事隔多年，珊珊終於出席公開活動，並首度開腔分享過去幾年抗病路心情。
李珊珊於96參選港姐，當年李珊珊參選時只得18歲，但從參選起已經成為大熱門。珊珊最終成為「四料港姐」—獲得冠軍、最上鏡小姐、最受傳播媒介歡迎獎同才藝小姐四個獎項。
當年更被譽為史上身材最好嘅香港小姐冠軍，其後更不時擔任大型特備節目主持，又先後拍過《鑑證實錄》、《烈火雄心》和《刑事偵緝檔案IV》等膾炙人口嘅劇集。
Photo from from Weibo
珊珊日前應好友王賢誌邀請，參加《誌友共聚》慈善音樂會，以過來人身份分享使用醫療服務的經歷。珊珊淡出7年後，首次於公開場合分享過去幾年抗病經過種種，感概咁話：「如果大家有120歲命，你一定不止生病一次，這是一個定律，當生病，一個病人要有何心態，我這幾年患病，得出感受就是要靠自己，亦不需要人同情，不需要人憐憫。因為這條路係崎嶇，精神上或肉體上是很痛苦的。」
雖然珊珊例牌否認患腦瘤，只係承認要入院治療，但佢坦言自己身體健康受咗好大影響，而佢本人都成為醫療服務嘅「真實用家」，於公營同私家醫院出出入入。「我在家中發病，打999，白車來後送我入院，然後被分流到急症室。我在急症室時有很深的感受，左邊的日本籍病人嘔吐大作，醫護以簡單英語和他溝通；前方的醫生初步為病人斷症後惹來家屬鼓譟，吵架。我當時沒了半條命，覺得似身處戰地，兵荒馬亂。」
Photo from from Weibo
珊珊以病人身份剖白，指康復者有人陪伴同幫助，對病人而言係十分重要，因為「精神上的痛苦比肉體上更痛苦。」
Photo from from Weibo
珊珊其後更鼓起勇氣拍片，於微博上同大家打招呼，又進一步交代患病心情「係時候踏出第一步，要鼓起勇氣面對番世界、社會，又或者唔好浪費光陰......希望未來我多啲參與慈善方面活動，因為我係一個過來人，知道好多過程，用咩態度或咩心態去面對或迎接，甚至放下一啲嘢。」
Photo from from Weibo
珊珊仲於微博上分享趣事，因為久未露面嘅關係，珊珊疏於喺公眾場合演講，於是《誌友共聚》慈善音樂會當晚佢有「三重準備」—第一用讀信的方式；第二用小紙咭方式；第三用出貓寫上手，但珊珊表示「選擇了自由發揮用心說出。」
Photo from from Weibo
網民都紛紛留言支持珊珊，又希望佢可以盡快康復～
Text：GirlsLike Editorial
Photo Source：Weibo
