【單對單】34歲高海寧拍拖不足5次自認難追不介意另一半愛上別人：你有誘惑我都有

By Fennie on 09 Jul 2021

Digital Editor

由黎芷珊主持的TVB訪談節目《單對單》在明晚（7月10日）播出的第3集，以「單身也可積極自強，活出精彩豐盛人生」為主題，邀請了高海寧（高Ling）擔任嘉賓。高Ling在節目中大方談及前度音樂才子鄧智偉，坦承二人分手後一直單身至今，更不介意另一半愛上別人：「你覺得佢好過我，It’s OK！你有誘惑、我冇咩？」

Photo from 《單對單》截圖

高Ling在節目中帶黎芷珊做瑜伽、歎High tea及親手炮製蛋糕，她在節目中跟黎芷珊無所不談，包括感情事。高Ling坦承自從同鄧智偉於去年6月分手後便一直單身，她坦言有人追，只是撻唔著：「單身只係眼前狀態，冇乜大不了。我又唔知自己想點，一向靠感覺。總之啱先會一齊，唔會為拍拖而拍拖。一個人都幾好呀，可以趁呢段時間睇清楚自己個心，想要啲乜、追求啲乜，然後遇到更加好嘅人。」

Photo from 《單對單》截圖

高Ling坦承現時想法與過去有點不一樣，過去的她十分被動，且會謹慎選擇另一半，不會輕易開始一段關係，多年來拍拖次數不足5次，最長一段關係則維持了8年。不過，現時的她卻變得積極，她認為年紀越大就越難心動、好難純粹愛一個人，若是現在有一個人令她心動，她就會去爭取：「人生在世，好短架咋，如果有個人可以令你好衝動，可以為佢奮不顧身，係好難得的一件事。」

Photo from 《單對單》截圖

性感女神高Ling與其貌不揚的音樂才子鄧智偉拍拖五年，當時大家都覺得高Ling會睇得上男方是因為欣賞其才華與內涵，而且二人感情相當穩定，曾一度傳出婚訊。不過自從鄧智偉轉往內地發展之後，鄧智偉因長期分隔兩地寂寞難耐，而背住高Ling偷食，事後被高Ling發現，決定斬斷情絲與對方分手，更互相取消關注對方的IG。