【單對單】陳秀珠後悔做單親媽媽更透露兒子想知道生父身份：小朋友覺得有缺失

By Fennie on 12 Jul 2021

Digital Editor

由黎芷珊主持的TVB節目《單對單》第3集邀請了陳秀珠（珠姐）擔任嘉賓，分享母兼父職的壓力。珠姐在節目中剖白她21年前在美國以40歲高齡未婚產子的心路歷情，她直言多年來獨力照顧兒子陳迪加，單親媽媽唔易做，若能再次選擇，自己一定不會當單親媽媽，期間更忍不住落淚。

Photo from 《單對單》截圖

珠姐在節目中坦承作為單親母親確實壓力不少，要兼顧拍劇及照顧兒子，幸好有工人姐姐幫忙。她形容母子關係良好，以往開工時經常接到囝囝「奪命追魂Call」。向來予人感覺硬淨的珠姐自言眼淺，談到近年與兒子關係有所改變時，她忍不住感觸落淚：「我以為我好強，咩都搞得掂，但原來係小朋友嘅立場嚟講係有缺失。我問過佢媽係咪好好，可以照顧晒你一切，係咪冇爹哋都OK？佢話：『你覺得啫。』做單親媽咪唔係唔好，但要考慮好多嘢，唔可以只係諗自己，要諗小朋友。」

Photo from 《單對單》截圖

回想21年前得知懷孕，珠姐坦言當時很掙扎，但又覺得「小朋友不是想有就有」，於是決定成為單親媽媽。珠姐表示兒子小時候並不好奇父親是誰，有時睇電視會說：「呢個爸爸好衰，好彩我得媽咪」，但長大了之後想法不同，不過珠姐依然對兒子父親身份守口如瓶：「我每個階段都有試探問佢，佢而家會想知，但我覺得唔需要，佢已經係成年人，可以自立，無必要靠父親。」

Photo from 網上照片

經歷多年辛酸，被問到若重頭選擇會否作同樣決定，珠姐斷言：「一定唔會，亦唔鼓勵人做。」多年來珠姐為了讓兒子有更好的生活而努力工作賺錢，結果錯過了親子時光。兒子讀完小學那年，珠姐因為拍劇集《我的如意狼君》受傷，於是就趁那段休息的時間送兒子出國讀書，自此兩母子的關係逐漸變得疏達，現在她感到好後悔，更表示小朋友的成長好重要，時間過了就沒有。