水行俠夫婦奧斯卡甜蜜放閃！Jason Momoa和老婆齊穿粉紅色情侶裝現身，最萌身高差閃盲百萬觀眾～！

第91屆奧斯卡頒獎典禮完滿結束，當晚除咗一眾女星鬥靚之外，水行俠夫婦竟然意外成為焦點！皆因兩小口齊齊身穿情侶裝現身，甜蜜程度高到將全場同電視機前面嘅觀眾都閃盲！

出演《水行俠》嘅Jason Momoa憑電影事業一飛衝天，除咗電影獲得超好票房紀錄外，Jason一身壯碩肌肉同型爆外表同樣迷倒萬千女性，佢更被選為「2018年全球最靚仔男星」榜首，簡直就係「行走於人間的男性荷爾蒙」！

不過雖然Jason又有事業又靚仔，原來佢私底下係個專一好老公～佢同大12歲嘅老婆Lisa Bonet於2005年開始拍拖，之後分別喺2007年同08年生下大女Lola Iolani Momoa同細仔Nakoa-Wolf Manakauapo Namakaeha Momoa，兩人2017年先結婚正式成為夫妻。

識Jason嘅人都知佢係一個「寵妻控」，非常愛錫老婆Lisa，今年奧斯卡兩小口齊齊著上粉紅色情侶禮服，以行動來宣告佢地嘅幸福，sweet到隔住屏幕都感覺到啊！

Jason以全套淡粉紅色西裝出場，老婆Lisa則著上魚網粉色晚裝，兩人喺鏡頭前上演史上最甜蜜身高差，Lisa喺身高193 cm嘅Jason隔離顯得好嬌小，睇落小鳥依人～

Jason對Lisa深情對望、甜蜜一笑，連旁人都快被Jason嘅濃濃愛意淹沒啦～～～！

拖住太太公開放閃嘅Jason全場笑唔停，笑到見牙唔見眼，十足戀愛中的小男生一樣！

Jason同老婆之後出席奧斯卡頒獎禮嘅After party，兩人換上另一套粉紅情侶裝繼續放閃，Jason身穿絨布材質西裝外套出場，露出性感胸肌～而Lisa則著粉紅蕾絲長裙出場，Jason全場拖實老婆手仔，對佢呵護備至～

Lisa企喺Jason隔離簡直就係一個被寵嘅女王，見到兩人笑容就知道佢地好幸福啊！

Text：GirlsLike Editorial

Photo source：Pinterest