MIRROR成軍兩年來人氣急升究竟你了解幾多經理人花姐逐一講解

By Fennie on 14 Jul 2021

Digital Editor

MIRROR成軍以來人氣一直居高不下，自從憑著ViuTV首個音樂頒獎典禮《Chill Club推介榜年度20/21》橫掃8個獎項，以及5月份舉辦的演唱會之後，更掀起香港久違的追星潮，甚至已經去到網民開設群組「我老婆嫁左比Mirror導致婚姻破裂關注組」道出一系列的追星行徑。其實，對於由12人組成的跳唱組合，你究竟認識多少呢？就由花姐親自逐個講解MIRROR，讓大家可以對他們有更深一層了解。

Photo from ig@ahfa0908

姜濤

花姐眼中的姜濤是一個外星人、一個她超乎想像以外的人。在演唱會開辦前一年，姜濤就已經構思出演唱會要表演什麼，更要求花姐安排排舞，其實那時仍未落實是否會開到演唱會：「當時我真係O左咀，我連開唔開到演唱會都未知」。到演唱會期間，姜濤不斷問花姐：「我知道你而家唔會影響我地自信，但係我想你話我知，我個item好唔好，有咩要改」，那時花姐告訴姜濤，他的粉絲一定會喜歡，然後姜濤好認真表示他要做到最好。花姐直言很多人認為姜濤終有一天會變得囂張：「我可以肯定同大家講『老姜一定唔會』，名利對佢來說完全唔重要，因為佢個人真係好簡單，佢只係想做一個認真嘅表演者。」

Photo from ig@ahfa0908

Ian陳卓賢

Ian陳卓賢在演唱會時穿著白色衫從升降台出來，予人一種貴族氣質的感覺，就連花姐都被他吸引：「白馬王子呀！咁靚仔得唔得㗎」。花姐讚Ian的唱功很好，有種入心入肺的感覺，尤其是唱DWBF更「冧」倒不少人。不過，說到Ian跳舞功力，花姐直言Ian本身舞功不太好，但他卻在演唱會彩排期間，為了做好演出而不理舊患復發，仍然堅持排舞，Ian的專業精神值得尊敬。

Photo from ig@ahfa0908

Edan呂爵安

Edan呂爵安向來都行詼諧路線，就連在花姐面前也一樣搞笑，更經常告訴花姐被讚靚仔，令到花姐受不了：「唔好再同我講有人讚你靚仔」。也許Edan平日在花姐眼中並非型男，但當他彈琴的時候，他的認真、他的投入，卻令花姐欣賞，甚至覺得他靚仔：「其實佢彈琴嘅時候真係幾靚仔，不過我欣賞嘅係佢嘅認真，佢嘅投入。」花姐更直言，Edan有今日都是靠著他的努力，而且他從來不會埋怨、不怕蝕底，甚至好學：「Edan未來有成績，佢完全唔洗多謝我，因為佢係自己爭取番黎，呢句係真心話。」花姐更呼籲Edan把握每一個機會，發揮所長，才會得到更多人愛戴。

Photo from ig@ahfa0908

Jer柳應廷

花姐表示Jer柳應廷在演唱會彩排期間，每次排練EGO時都會嘟咀，一跳不到就會慘叫。到了演唱會時，當Jer演繹《狂人日記》，花姐瞬間由經理人變成小粉絲，當Jer唱到最高音時，花姐竟然為他尖叫：「佢係一個『用歌聲』令人心動嘅歌手。好多人覺得Jer都係唱歌，可塑性唔多，但我覺得Jer未來可以給大家嘅驚喜，一定唔會少。」

Photo from ig@ahfa0908

Anson Kong江?生

花姐眼中的Anson Kong江?生好有型、熱愛舞台，在排舞期間會不停練習，更經常對花姐說：「你放心，我會幫你開個靚頭，焫著全場」，然而當AK站在舞台時，他的全情投入，令到花姐感到欣慰：「佢真係做到！」花姐更表示AK這兩年一直都很努力，甚至比兩年前進步很多，希望大家看見他的努力。

Photo from ig@ahfa0908

Anson Lo盧瀚霆

Anson Lo盧瀚霆在演唱會前為了劇集錄歌，最終體力不支病倒，當時醫生診斷他的聲帶有事，Anson Lo曾經有一秒擔憂，但之後為了不讓人擔心而裝作若無其事：「佢就係咁，永遠唔俾人擔心佢，然後自己孭哂所有嘅壓力」。花姐更直言Anson Lo是痴綫佬，當越叫他不要太用力唱跳，要留點氣力，Anson Lo反而更用力，因為他不想錯過每一個表演機會。花姐表示很欣賞Anson Lo盧痴線的毅力：「以後請緊記要愛自己多點，跳唱唔係一條易行嘅路，但你嘅痴線一定會令你成功。」

Photo from ig@ahfa0908

Jeremy李駿傑

花姐直言Jeremy李駿傑從《全民造星》開始到現在已經改變了很多，由一個普通男孩變成站在舞台上擁有懾人魅力，個人風格的歌手。縱使Jeremy有多大變化，但唯一不變的是，他對MIRROR的細心關懷、對自己從不鬆懈、對工作的執著與認真：「呢啲特質將會係佢未來成功重要因素」。另外，平時斯文柔弱的Jeremy站在舞台上竟然有一種「霸氣」，甚至乎他的妖氣是近年來在樂壇上非常罕見！花姐亦表示她同大家一樣都很期待Jeremy出solo：「相信一個最適當嘅時候，佢就會發光。」

Photo from ig@ahfa0908

Lokman楊樂文

在花姐眼中，Lokman楊樂文是MIRROR 12子當中最不需要擔心，因為他的表現不只是歌舞，他的聲音、舞蹈，甚至表情也有說故事的能力：「希望未來有更多人繼續可以看到你的故事。」

Photo from ig@ahfa0908

Alton王智德

花姐坦言MIRROR 12子之中，Alton王智德是一個機會比較少的成員，但他卻很少放負，反而會從另外一個角度分析事情，甚至可以保持積極。另外，Alton勇敢面對自己的缺點，因此這兩年來他並無放棄，反而努力改善，為未來機會做好準備。Alton這種正面的性格令到花姐感到非常敬佩：「我要向佢好好學習，我好感恩佢係MIRROR嘅一份子」。亦是這樣，花姐才會在演唱會上特地為Alton安排楝篤笑的環節：「Alton嘅經歷同感受，我覺得可以帶出一個信息，值得同大家分享。演唱會那個talk show，係最真誠嘅環節，而?面提及一個重點，我地努力嘅同時，亦要感謝粉絲一直支持，冇你地，冇MIRROR。」

Photo from ig@ahfa0908

Frankie陳瑞輝

Frankie陳瑞輝是MIRROR當中最靚仔的成員：「我經常會聽到人講『嘩！Frankie 真係好靚仔呀！』但呢句讚美嘅說話相信唔係我同Frankie最想聽到」。花姐坦言Frankie曾經迷惘過、沮喪過，好似找不到自己定位，當時在構思演唱會的環節時，花姐不斷思考Frankie可以做什麼去表現自己，但有一日Frankie卻發了一篇千字文給花姐，表示他想要唱《白玫瑰》，花姐更坦言起初會好擔心，更有一度想說服Frankie不要唱這首歌，但Frankie卻好有自信對花姐說「我冇問題㗎」，見到Frankie對自己有信心，於是花姐決定全力支持他。演唱會之後，Frankie不再被標籤「Frankie好靚仔」，而是多了「Frankie跳舞好charm，唱歌幾好聽」。

Photo from ig@ahfa0908

Tiger邱傲然

Tiger邱傲然是MIRROR當中年紀最細的一位，但他卻很成熟，甚至虛心聆聽別人的意見，默默耕耘，而且從來沒有怨言：「這小子將來『必成大器』」。花姐亦直言Tiger站在台上的一舉一動，一個眼神，一個笑容都非常吸睛，人仔細細就有壓台的感覺。另外，花姐亦不忘大爆Tiger的秘密：「每日番到九展，佢都攞個電話出黎『花姐，同你開心share下我嘅腹肌相』見到佢呢個樣，突然又覺得佢變番小朋友，話俾媽咪聽『我默書100分，係咪叻呢』」。

Photo from ig@ahfa0908

Stanley邱士縉

花姐經常同Stanley邱士縉講：「你係最唔需要MIRROR嘅人，你係一個演戲嘅人」。但自從演唱會之後，花姐改變了想法，她覺得Stanley站在舞台上好有魅力、好吸引：「好耐冇見過呢個大表哥，我愛舞台上嘅佢」，更表示Stanley在舞台上的每一個細節、動作、唱歌方法，他都是有仔細思考過，更不停練習，然後每一場之後都會看playback 希望下一場更好：「大表哥，你值得擁有更多！」