我盡力學習成為男人!《1+1+1》張達倫將繼女視如己出,愛老婆Kimmy起床的樣子,愛是接納對方所有~

我盡力學習成為男人!《1+1+1》張達倫將繼女視如己出,愛老婆Kimmy起床的樣子,愛是接納對方所有~

Hot Topics
By Aisa on 26 Feb 2019

唔知大家最近有無留意由車婉婉主持嘅TVB節目《1+1+1》,每集都會請來星級爸媽分享湊仔經,同埋佢地家庭背後嘅故事。剛播出一集就邀請咗張達倫同埋佢嘅太太Kimmy,佢地仲帶埋囝囝碩碩一齊嚟接受訪問,整集嘅內容都好甜蜜好溫馨,觀眾們都不禁要大讚張達倫真係一個暖男呀!

Photo from TVB

 

原來老婆Kimmy係張達倫哥哥嘅同學,起初佢地兩個人都各有伴侶,所以一直只係維持點頭之交嘅關係。但幾年後重遇,當時雙方已經回復單身,亦因為有行山呢個共同興趣而非常投契,而擦出愛火花~

Photo from TVB

 

而Kimmy同前夫有一個囡囡Chloe,不過張達倫完全唔介意,將Chloe視如己出:「我永遠把她當作自己的女兒,如果不接納的話,你有什麼資格去愛這個女人?」呢一番真摯且霸氣嘅言論,感動唔少觀眾,愛一個人就係要愛佢嘅全部!

Photo from TVB

 

而喺訪問前同中途,都可以見到唔少佢兩公婆嘅甜蜜互動,就好似張達倫細心地幫太太整理衣領、甜蜜地介紹「他是張達倫的老婆」等。一個個看似平凡嘅舉動,卻令Kimmy同觀眾們都暖在心頭~

Photo from TVB

 

廣告
廣告

當被問到「對上一次覺得對方靚是何時?」,Kimmy立即告白:「就是剛剛」,而張達倫就話係兩三日前瞓醒見到老婆,就覺得佢真係好靚,身邊有一個時刻都懂得欣賞你嘅人,實在係好值得感恩。

Photo from TVB

 

不過唔講唔知,原來最初張達倫雖然已經認定咗Kimmy,不過就未有結婚嘅念頭,直到有一日佢突然諗到「要不要小孩子呢?」,當下先下定決心要向Kimmy求婚。而喺籌備當中,佢發現婚禮唔止係一個過程,同時都係自己對Kimmy嘅一份承諾!求婚嘅時候,張達倫仲播咗一首歌,佢話「愛情令缺點有了知音」同埋「我盡力學習成為男人」呢兩句歌詞好重要,仲即場唱一次比太太聽,令太太非常感動,整個畫面充滿愛,旁人都不禁鼻酸~

Photo from TVB

 

張達倫仲話囝囝出世之後,有段時間佢忽略咗太太,甚至唔記得要錫佢,但宜家佢已經時刻自省,提醒自己唔好忽略關愛太太,真係一個顧家嘅好男人呀!

Photo from TVB

 

TextGirlsLike Editorial

Photo Source:TVB

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK

Share to Facebook