被譽為頂級凍齡女神！1986年香港小姐亞軍，51歲吳婉芳分享她的保養秘訣～！

娛樂圈有很多凍齡靚女星，當中最為人認識嘅莫過於黎姿、周海媚、邱淑貞同佘詩曼等等，不過要數頂尖級數就一定唔少得吳婉芳！1986年香港小姐出身，現年51歲嘅吳婉芳早前被網友封為「最強美魔女」，一齊嚟睇吓佢嘅保養秘訣啦！

1967年出世嘅吳婉芳參選「1986年香港小姐」並獲得亞軍，1993年下嫁青梅竹馬兼香港著名馬主胡家驊，之後淡出娛樂圈做豪門少奶奶，並為老公生下兩子一女，佢同老公結婚多年仍經常甜蜜拖手現身，而最引人注目就係佢同30年前一樣靚爆鏡！

吳婉芳早前被問及被封凍齡女神一事時反而自嘲其實自己好老，近睇就見到皺紋，性格樂觀謙虛～可惜老公胡家驊不幸於2017年逝世，現時佢獨力照顧3個仔女。

#1 飲食清淡、不吃煎炸食物、不吸煙

吳婉芳平日飲食非常清淡，唔食煎炸油膩食物同唔食煙，但會飲少少酒，另外佢亦透露唔會食補品同燕窩，只靠清淡飲食來維持好皮膚同身材～

#2 中醫調理身體

吳婉芳會定期睇中醫調理身體，比起外在佢更著重內在健康，由內靚到外先可以散發迷人光彩～

#3 不整容、一星期敷2-3次面膜

佢早前曾提及自己無膽整容同打Botox，不過有打激光令皮膚更靚；此外佢很注重洗面，一定要徹底洗乾淨，一星期又會敷2-3次面膜。

#4 多飲自家湯水

吳婉芳好著重食療，所以除咗飲食盡量清淡外，佢會飲好多自家湯水，大部分都係家常例湯，可以幫助調理同滋潤身體！

#5 保持心境開朗、不執著

佢早年接受訪問時曾透露自己嘅保養心得就係保持心境開朗：「每個人都會遇到開心、唔開心嘅事，我比較阿Q精神，凡事唔會咁執着，要有多啲正量啲，睇吓佛經，令心境平靜，同埋我會打坐，呢啲係我嘅養生之道。」保持心境開朗難怪個樣望落都好後生～

Text：TopBeauty Editorial

Photo source：Pinterest, 東周網, Weibo