一見難忘的摩洛哥網紅酒店!華麗精緻的傳統庭院旅店,閨蜜旅遊必去之地~

一見難忘的摩洛哥網紅酒店!華麗精緻的傳統庭院旅店,閨蜜旅遊必去之地~

Lifestyle Travel
By Aisa on 27 Feb 2019

日系風格、歐陸色彩、中國風嘅建築如果你都已經見過,或者可以試下嚟到摩洛哥呢個有濃厚中世紀異域風情嘅地方!摩洛哥四大古城之一嘅馬拉喀什,曾經係摩洛哥嘅首都,城內嘅建築物外牆多數以紅色沙岩建成,所以又被稱為「紅色城市」(Red city)。而呢座古城神祕而夢幻,遊走其中就好似置身《一千零一夜》嘅場景之中。如果你有機會遊歷呢個地方,一定要入住當地嘅傳統庭院旅館(Riad),精緻宮殿值得你花出金錢同時間,前去感受一下當中嘅異國風情~

 

# Hotel La Mamounia

喺Instagram上,最常出現嘅網紅旅館就一定係呢間La Mamounia。建築設計就好似皇宮一樣奢華、雅緻,住喺入面就好似立即化身成異國公主一樣。由旅店步行10分鐘就可以到達馬拉喀什嘅市中心,非常方便。

Photo from Pinterest

 

而旅店入面更有設置水療中心、室內游泳池、蒸氣浴室等設備,令你喺趕完一整日行程之後,可以讓疲憊嘅身心得以放鬆。加上絕美嘅裝修,就算隨便一個角落都可以成為攝影棚,絕對可以讓你同閨蜜有一次難忘嘅住宿體驗。

Photo from Pinterest

 

# Le Riad Yasmine

「Riad」其實係摩洛哥嘅獨特住宿風格,由古宅改造嘅建築,從外面睇雖然毫不起眼,但當你一推開大門,絕對會對自己眼前嘅場景感到驚喜~而呢間Le Riad Yasmine同樣都係網紅嘅打卡熱點,裝潢有著傳統純樸嘅摩洛哥風情,充滿活力。

Photo from Pinterest

而客房係圍繞住中庭搶眼嘅馬賽克游泳池而建,旅館老闆更會喺早晨為你預備最新鮮嘅美食,你可以同閨蜜喺泳池邊一邊睇書、嘆茶,輕鬆度過一個下午,極之寫意~

Photo from Pinterest

 

# Riad Le Jardin Secret

 

相對前兩間旅館,Riad Le Jardin Secret充滿古樸嘅氣氛,植物以及一面面紅色嘅牆,令你猶如置身林中小屋~

Photo from Pinterest

傳統摩洛哥風室內設計、美麗嘅棕櫚樹、鞦韆、天然淋浴,都令你流連忘返。

Photo from Pinterest

 

# Riad BE

 

對於鐘意打卡影相嘅女仔嚟講,Riad BE 絕對會係天堂!色彩奪目嘅泳池加上可愛紋理嘅屋頂及牆壁,就算點樣影都一樣可以影出網紅照~

Photo from Pinterest

 

# Royal Mansour

 

Royal Mansour嘅奢華裝潢絕對會令你歎為觀止,而酒店內餐廳製作嘅食物非常精緻,旅館嘅高雅裝潢更令你有置身宮廷嘅感覺。不過咁美侖美奐嘅旅館當然價值不菲啦,一晚要價萬幾港幣!

Photo from Pinterest

Photo from Pinterest

 

唔好等啦!下次就約埋好姊妹去摩洛哥度過一個異國風情之旅啦~

 

Text:TopBeauty Editorial

Photo Source:Pinterest

 

 

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK