放棄演藝事業為弟弟打理生意！黎姿胞弟車禍11年終重新站立：「他是令我不斷進步的動力」

By Aisa on 24 Oct 2018

一個追逐夢想的女生，深信未來是屬於相信心中美夢的人。

黎姿弟弟黎嬰2007年因車禍而變成植物人，而身為家姐嘅黎姿，就為咗照顧細路，放棄咗多年來用心經營嘅演藝事業，接手弟弟嘅醫學美容生意，並發揚光大。今時今日，黎姿嘅努力令細路嘅生意愈做愈成功，值得鼓舞嘅同時，走動不便十幾年嘅弟弟黎嬰，終於都可以重新站立啦～

Photo from gigilai_official@Instagram

黎姿11年前，正值佢事業如日方中嘅時候，但不幸地弟弟黎嬰於2007年遭遇嚴重車禍，當時任職皮膚科醫生嘅他，因為癱瘓，而被逼放棄終生事業，要靠輪椅出入，一向好顧家嘅黎姿為咗照顧弟弟同埋屋企，於是決定放棄演藝事業，接手弟弟嘅醫學美容生意。

Photo from gigilai_official@Instagram

面對如此困境，黎姿雖然感到迷茫，但毫無怨言，佢一步步學習從商技巧，令細佬嘅生意愈做愈成功，佢嘅堅強同偉大令人非常服佩～

Photo from gigilai_official@Instagram

10幾年來，黎姿一直期待嘅事業終於發生，佢喺IG宣布弟弟終於可以企起身～

Photo from gigilai_official@Instagram

「每次我感到疲憊的時候，都會感到有一股強大的力量在背後支持我、鼓勵我。我弟弟十多年來為生命而奮鬥，雖然他失去了自由行動的能力，但他依然擁有堅定的意志，積極的觀念，以及對生活的無限熱愛。每一次我在工作上遇到難關，他不屈不撓的精神總會重新燃點起我對工作、對醫學美容行業、對生命的熱誠。今天，弟弟可以站起來與大家見面，我真的非常非常感動。他的堅毅精神是令我不斷進步的動力，我會繼續奮鬥下去。」