婚姻不是女人的終點！婚後更要學會愛自己，4件事情就算有了家庭也不能放棄～

結婚對好多女人嚟講係人生嘅轉捩點，進入另一個階段，有住更多身份同責任，而呢個改變可以係好可以係壞。上世紀嘅女人，婚後會全心全意為家庭，留喺屋企相夫教子，全個人生從此就只圍住老公同小朋友轉～不過宜家年代唔一樣，女人一定要不繼進步先可以活出價值，家庭同婚姻並唔係你嘅人生終點，婚後責任變重、事情變多，你更要學會愛惜自己，為自己著想～

Photo from Pinterest

# 生活不是只有婚姻／愛情

喺傳統嘅思想影響下，直到現在都依然有好多人覺得女人嘅人生目標就只有結婚、相夫教子，又認為一個女人成功與否就要睇佢有無一段美滿嘅婚姻、一個聽教聽乖嘅小朋友～

Photo from Pinterest

雖然呢一切都係好直接咁影響到一個人幸唔幸福，但追求呢啲野嘅同時，千其唔好忘記你嘅生命入面唔係只有丈夫同小朋友，你嘅人生仲可以有好多其他方面嘅發展，所以唔好放棄你嘅興趣同技能呀！

Photo from Pinterest

# 不要放棄社交和私人時間

出嚟社會工作後，無可避免少咗同朋友見面，有自己嘅家庭之後，想約齊好姊妹聚一聚就難上加難～有好多媽媽擔心自己離開屋企一分鐘就會世界大亂，但咁樣反而會將自己逼得太緊，就算你已為人妻、人母，都應該要適時搵時間比自己放鬆下。

Photo from Pinterest

假如你為咗家庭而放棄社交，以及一直以來嘅朋友，最後只會令自己嘅生活壓力無處發洩。其實偶然可以趁有少少空閒嘅時候，約下好姊妹出嚟談談近況，互訴心事，相信愛你嘅老公同家人都會願意暫時幫你替一替更～

Photo from Pinterest

# 婚後也要好好愛自己

以前成日聽老一輩講自己將所有時間同錢花哂喺家庭上，為家庭無私奉獻，明明以前好樂於將錢花喺保養、打扮、玩樂，但生完BB之後，就將所有資源統統轉移到小朋友身上，反而對自己愈來愈姑寒～

Photo from Pinterest

但你要記得對下一代付出嘅同時，對自己好都係好重要，偶爾去做個Facial、買件靚衫換下、飲下茶，都係基本嘅生活享受，搵出兩者間嘅平衡點，唔好令養小朋友變成一件苦差。

Photo from Pinterest

# 不要一味為婚姻將就

婚姻想長久下去係需要雙方嘅包容同遷就，但絕對唔係要你無限將就。有唔少人明明喺婚姻之中遇到問題，都繼續啞忍，寧願委屈自己，都要喺人前扮演幸福女人，結果只係帶來反效果，令自己喺家中嘅地位愈來愈卑微。

Photo from Pinterest

其實婚姻中要學識表達同爭取，一味退讓唔會令家庭變得更和睦，如果不斷溝通最後都得唔到解決，或者係情況發展到極端，即使要行到離婚一步都係在所難免～

Photo from Pinterest

Text：TopBeauty Editorial

Photo Source：Pinterest