【先生貴性】羅嘉良北上一年收入多過TVB捱20年！花20萬搞超靚音響生活層次瞬間升幾級

By Fennie on 17 Aug 2021

Digital Editor

由羅嘉良、陳慧珊、江華主演的TVB劇集《先生貴性》近日重播，當中羅嘉良更一人分飾兩角，在劇中被方思晴（陳慧珊飾）「鬼上身」，化身成男扮女裝的「Diana」，而他扮女人舉止嫵媚堪稱經典，雖然最後未能憑「Diana」再度蟬聯視帝寶座，但卻令觀眾留下深刻印象。

Photo from 《先生貴性》劇照

羅嘉良在TVB奮鬥20年間，演出過無數經典劇集，包括《難兄難弟》、《天地豪情》、《創世紀》、《流金歲月》等，是TVB首位奪得三屆視帝的小生。他最後憑《流金歲月》奪視帝後便北上發展，然後重遇細龜（黃一山），兩人繼TVB後多次在內地合作，雙方關係不錯。日前細龜在社交平台爆了對方一些小秘密，他指羅嘉良在TVB拍戲20年，更是三屆視帝，可是收入不多，反而離開TVB後，拍戲一年的收入竟是TVB拍戲20年的收入！

Photo from weibo@羅嘉良

「TVB曾經出現過3個三屆視帝，分別就係羅嘉良、郭晉安同黎耀祥，3個裡面同我關係最好就係羅嘉良。嘉良哥其實係唱歌出身，但好多人以為佢係演員出身，佢最後喺2003年拍完《流金歲月》攞埋第3屆視帝之後，就好瀟灑咁離開咗TVB。當時我問嘉良哥點解要離開TVB？唔通唔想攞埋第4屆、第5屆視帝咩？佢就話：『喺TVB都做咗超過20年，但係搵嘅收入唔係多；反而一出去拍電視劇，拍1年嘅收入，都超過喺TVB拍戲20年嘅收入，咁點解唔走？』。」

Photo from weibo@黃一山

Photo from weibo@羅嘉良

細龜亦指2003年打後幾年時間，他同羅嘉良合作過不少電視劇，當中印象最深刻是在河北涿州影視城拍攝《我愛鍾無艷》，劇組為羅嘉良配了一部演員專用車，當時拍戲場地附近的飯堂好早就關門，試過一次收工較晚，一班人想一齊去食飯，於是細龜就提議坐羅嘉良的演員車去餐廳食飯，但卻遭到羅嘉良拒絕：「細龜，我哋唔可以咁做，呢架車只係開工同收工時候先用，至於私人時間，我哋自己搵車。萬一我哋開車去食飯途中出咗交通意外，有人受傷或司機受傷嘅話，咁究竟係劇組定係我哋自己負責？既然我哋捨得花錢去食飯，就唔好慳呢啲交通費，自己搵部車去食飯啦！」聽見羅嘉良的分析之後，細龜明白了不能「公器私用」。

Photo from fb@羅嘉良 Gallen Lo

Photo from weibo@羅嘉良

細龜再爆他曾經去過羅嘉良位於愉景灣的別墅參觀，指對方是音樂發燒友，為了聽音色好完美的音樂，不惜花10幾、20萬購買超靚音響：「2003年嗰時已搞咗10幾、20萬，我話佢咁捨得，原來佢對音樂有種執著，一係唔聽，一聽就要聽音色好完美嘅音樂先會覺好開心。」

Photo from fb@羅嘉良 Gallen Lo

終於都明白了為什麼近年來越來越多藝人喜歡北上發展，拍戲一年收入超過在TVB捱20年，換作是你，你又會怎選擇呢？

Text: TopBeauty Editorial

黎姿與囡囡整甜品超豪華廚房內部曝光堪比五星級酒店手中珍珠戒指超搶眼

11 Aug 2021

黎姿自從2008年嫁給富商馬廷強之後便淡出娛樂圈，現時不但是三女之母，更是醫學美容上市公司的CEO，可謂事業家庭兩得意。黎姿時不時都會在社交平台分享她的日常生活，她住的11億西半山豪宅已多次曝光，日前她分享與囡囡一齊整甜品的照片，卻意外令超奢華的廚房曝光，更掀起熱話。

Photo from ig@gigilai_official

從照片中可見，黎姿同囡囡們穿上圍裙並小心翼翼地朝著模具裡擠奶油，她們身處的廚房不單止有多樣高級廚具，就連牆紙、花紋玻璃櫃門、廚櫃及雲石枱面等每一寸位置都是滿滿的豪華感，氣派非凡又空間感十足，簡直堪比五星級酒店的廚房。

Photo from ig@gigilai_official

另外，黎姿整完甜品之後拍照留念，雖然她只是穿著條紋衫，但散發出優雅的氣質。另外，有眼尖網民還發現黎姿手上戴著巨型珍珠戒指，雖然不是刻意露出，但卻十分搶眼。不少網民紛紛留言有錢人的世界令人難以想像、羨慕黎姿好幸福等。

Photo from ig@gigilai_official

現年49歲的黎姿與富商馬廷強結婚多年非常恩愛，一家五口相當幸福，可說是過著很多人寤寐以求的生活，但又有誰人知道黎姿都曾經歷過絕望與無助。黎姿童年時的生活非常困苦，她的爸爸患有腦膜炎失聰，聽覺只有三成聽力，視力也很參差，一家大細住在200多呎的九龍城東頭邨。家境不好，加上要照顧比她年紀小4歲的胞弟黎嬰，黎姿十多歲時便開始賺錢養家，她憑著標致的臉孔，獲聘擔任數天的臨時演員，並參演電影《開心鬼放暑假》，更引起黃百鳴注意而獲得簽約，正式加入娛樂圈。