心善則人美～52歲周海媚素顏被認出，白裏透紅像大學生！愛情長跑12年終分手，不忘積極行善樂活人生～

50有2嘅周海媚1994年《倚天屠龍記》中飾演周芷若，被公認係多年來最佳演譯～於內地新版《倚天屠龍記》入面，佢升呢飾演滅絕師太，唔單止演技深厚，仲被網民封為「最美滅絕師太」。日前海媚喺內地機場被網民認出，從照片可見，周海媚零妝容下，雖然稍有倦容，但肌膚彷如大學生一樣，白裏透紅氣色甚好！

早前tvb深宵時段劇集《義不容情》成為城中熱話，30年過去，當年劇中位位青春少艾都變成半百老人，當年青澀嘅周海媚已經係唔少人心目中嘅女神。

Photo from from Sina

先後跟唔少城中名人傳過緋聞，周海媚感情路上始終未能開花結果，2004年跟建築師男友移居北京後，拍咗12年拖始終都係得唔到大團員結局，二人以分手收場。

Photo from 周海媚@Weibo

前年傳出消息，指兩人係因為結婚問題上未能達成共識而和平分手，周海媚就話自己無諗過結婚，佢話：「我是一個愛自由的人，不喜歡被管，亦覺得沒需要結婚，況且我並不想要小朋友。雖然我喜歡小朋友，但在我十幾歲時發現天生血小板過低，醫生跟我說，如果以後生育的話會有生命危險，會大出血。」「婚姻不是我的歸宿，我只想在愛情路上奔跑。」52歲仍然未婚未育，依然活得好精彩，而且因為佢凍齡有道，至今依然係唔少男人嘅女神～

Photo from 周海媚@Weibo

雖然唔打算結婚生小朋友，但鐘意小朋友嘅周海媚多年來喺內地助養咗唔少兒童，甚至有捐助醫藥費，非常有善心～

Photo from from Sina

當年紅遍全城嘅《倚天屠龍記》「最美周芷若」一角，時隔30年，周海媚雖然不再少女，但就不失女神韻味～現身機場當日，佢身穿舒適打扮，感覺非常有活力～皮膚一向白淨嘅周海媚保養得宜，年過50歲仍然有好氣息，紅潤令顏值加分！

護膚秘訣1：溫熱水洗面

海媚曾經透露，自己無特意花大功夫去保養肌膚，因為工作關係，好難保持規律生活，其養顏之道就係把握自己擁有良好心境同心態。佢笑言平時護膚係一切從簡—朝早會用溫熱水洗面，之後完全唔搽護膚品，直至瞓前先做好潤膚工作，令皮膚毛孔可以呼吸。

護膚秘訣2：戒牛肉

飲食方面，海媚一早戒咗牛肉，但其餘食物就無專登去戒口，滿足自己口腹之慾其實都係令自己保持心景愉快嘅方法之一呢！

Photo from 周海媚@Weibo

護膚秘訣3：早睡早起

對於藝人嚟講，工作繁忙日夜顛倒真係身不由己，喺無工作嘅時間，佢會夜晚10點就去瞓，朝早又會飲新鮮番茄汁、奇異果汁，又或者係檸檬水，保持肌膚光澤。

Photo from 周海媚@Weibo

Text: TopBeauty Editorial

Photo Source: Weibo