研究：聰明人具有的5個特徵～夜瞓、懶惰竟然代表你有過人潛能！

可能你會成日覺得自己唔夠聰明、個腦唔夠用、橋唔夠多，千唔好怪啊媽點解唔係生到你IQ 有200～有科學研究發現，其實所謂嘅「聰明人」，往往都係有以下5個特徵，你中咗幾多個呢？或者你都有潛質做個聰明人呢～

Photo from falachenfala ＠ ig

＃1 做開夜貓，瞓得少

倫敦經濟學院一項研究拍出，瞓得少係「精英」嘅表現，唔少政治家，大公司ceo都出名係工作狂，日睡4,5小時已經算多了～另外，習慣瞓得少嘅人，可能係佢哋擁有過度活躍嘅大腦活動，只需要少量睡眠，就可以獲得成功，選擇瞓得少、喺夜間工作，都可能係適合喺寧靜環境工作，實現自我。

Photo from falachenfala ＠ ig

＃2 懶

你可能會覺得聰明嘅人係忙碌精英，其實真正聰明嘅人都有懶惰嘅特徵，因為佢哋喜愛思考，而唔係一味死做爛做，因此工作效果往往極好。

Photo from choisaaaa @ ig

＃3 計仔多多

倫敦經濟政治學院有項研究發現，自認為想法保守嘅年輕人，智力比自認為想法自由嘅年輕人低—一個計仔多多，久唔久就會靈機一觸嘅人，佢哋有突出表現在於佢哋有更多有創意嘅諗法，唔鍾意有固定思考框框，喜歡突破自我。

Photo from misselvani @ ig

＃4 好易相信他人

唔好以為易信人係傻仔嘅表現，牛津大學有研究發現聰明人更容易輕信其他人！主要係因為聰明人善於鑽研他人行事動機、會留意到對方肢體語言、甚至臉部表情從而判斷其他人嘅性格，好人壞人一眼就睇到，而且對自己嘅判斷非常自信，先會咁決定去相信其他人。

Photo from misselvani @ ig

＃5 感到孤單

聰明人更鍾意一個人生活、一個人工作、一個人學習，「獨家村」程度極高，愈係群體活動，佢哋會愈覺得唔自在；相反獨立自主嘅生活會令佢哋覺得自在、滿足。

Photo from heungheungeliza @ ig

Text：Girlslike Editorial

Photo source：Instagram