姊弟戀、異地戀都可以修成正果～陳妍希：只要找到值得嫁的人就不會擔心這些問題！

大部分女生都會將姊弟戀視為戀愛裡面不可觸犯嘅戀愛禁地，即使大家有幾情頭意合，最後都會因為年齡依個問題而卻步～陳妍希偏偏同大部分嘅女性背道而馳，戀上比自己細4年嘅陳曉，喺熱戀時期～佢地一個喺上海，一個喺台灣，依段姊弟戀加上異地戀可以話令佢地嘅戀愛難上加難。不過，收成正果嘅佢地的確又證明咗姊弟戀同異地戀根本對愛情無太大嘅影響。

陳妍希同陳曉喺2013因拍攝《神鵰俠侶》而認識，「小龍女」陳妍希同「楊過」陳曉假戲真做，拍出愛火花。依段姊弟戀只係熱戀咗短短7個月就決定要互訂終生，可見佢地真係打得火熱，年齡對陳妍希來講唔係一個問題！

Photo from ig@yanxi531

Photo from 網上圖片

「有心好好走下去，就不會擔心距離」

兩個都係當紅藝人，當然要成日周圍飛～原來喺拍攝完《神鵰俠侶》之後佢地就因為工作緣故要分隔異地，一個喺上海，一個喺台灣。但陳妍希就深信只要有心經營嘅愛情先會一路行到最後，距離都唔會係一個問題。

Photo from ig@yanxi531

「忍耐有時候也是一種愛」

姊弟戀同異地戀通通都唔係陳妍希同陳曉需要面對嘅愛情考驗，原來忍耐先係佢地要共同面對嘅問題。陳妍希認為相處耐咗，自然見到對方嘅缺點都會多咗，相互忍耐就係佢地嘅相處之道，忍耐你只因我愛你咁話～

Photo from facebook@陳妍希 Michelle

Photo from weibo@ 陳曉

「這個人就是值得我嫁的」

陳曉同陳妍希嘅愛情告白唔係男仔一般會講嘅妳可唔可以做我女朋友，而係我有想過同妳結婚。陳妍希同大部分女生一樣聽到後又驚又喜，陳曉都話過遇到陳妍希就好似被雷劈了一樣，好想同佢組織家庭。陳曉以行動感動陳妍希，要陳妍希覺得佢係一個嫁得過嘅男人。依家一家三口過著幸福快樂嘅生活，可見姊弟戀同異地戀無阻真愛！

Photo from facebook@陳妍希 Michelle

Photo from weibo@陳妍希 Michelle

Photo from ig@yanxi531

Text：TopBeauty Editorial

Photo source：webio, instagram