微電影真情細數患癌心聲！大小姐林淑敏螢幕前首次提及患癌，重現老公不離不棄的愛～！

林淑敏入行多年，憑《愛回家之開心速遞》大小姐龍力蓮一角成功入屋，搞笑又可愛嘅性格深受歡眾愛戴，先後獲大台轉簽「親生女合約」同獲得「最佳女配角」一獎，事業爬至巔峰～

不過，林淑敏曾於2010年不幸患上第二期乳癌，要長期食藥以免病情惡化，藥物令大小姐唔可以生小寶寶，但仍無阻老公對佢嘅愛！最近，林淑敏出演微電影時首次喺鏡頭面前細數患癌心聲，電影中更重現了老公對佢不離不棄嘅真愛！

微電影中林淑敏講到一個女人患上癌症時內心嘅掙扎：「就算我手術成功，今次都有機會會復發！到時我又要唔知做啲乜嘢Treatment啦！」、「如果我做化療嘅話，我會甩哂啲頭髮」，大小姐嘅真情演出令人感受到嗰種無助感。

微電影中林淑敏因患癌而忍痛向男友提出分手，而現實中佢都曾經歷過同樣嘅事情，因為怕自己會拖累到當時嘅男友（而家係老公），所以和佢提出分手，但佢老公點都唔應承，反而更細心地照顧大小姐！

當時林淑敏做化療時被醫生告知將來有機會無法懷孕，但佢老公完全無介意過，更不停叫大小姐嫁俾佢，好男人無誤！林淑敏喺微電影中亦表示：「佢（老公）令我明白愛並唔係咩山盟海誓，而係用行動去守護。」

大小姐提及當時求婚過程：「現實生活中老公求婚唔係靠煮飯，而係日日叫我嫁比佢，淨係打去教堂問有冇場，覆返嚟話有，但提醒我朝早有白事，問我介唔介意，我話冇所謂。」雖然唔似電影中咁浪漫，但呢場絕對係「史上最有愛嘅求婚」，亦令人明白到細水長流嘅愛情比一時激情來得更長久、更令人回味無窮～

https://youtu.be/Hp73es1r_6s

Text：TopBeauty Editorial

Photo source：IG, YouTube