張達倫為首期上車慳到盡限制日使$250 朋友結婚早走做少啲人情

By Khristina on 21 Sep 2021

Digital Editor

TVB節目《我要做業主》去年播出大受歡迎，近期播出全新一輯《我要做業主2》，首集邀請藝人張達倫分享置業的心路歷程。出名是顧家好男人的張達倫透露當年為了儲首期無所不用其極，更誇張到為了慳人情去到婚宴show face就閃人、限制自己每日只用250元。

Photo from maxc @ ig

張達倫去年成功上車

香港樓價高企，置業何其難？圈中是出名好丈夫、好爸爸、好男人的張達倫，為了給家人有個安樂窩，他慳到盡去儲首期，去年成功上車購入將軍澳一個三房單位，但這一切得來並不易，而是付出了許多努力和心思。

Photo from maxc @ ig

人情慳得就慳

他說：「老實講，香港樓好貴，要儲首期係好大問題，以前點儲呢舊錢番嚟？由工作慢慢積累，或者買股票升之類外，有一段時間我恐怖到點呢，有朋友結婚，收到請柬又唔想唔去，又想戥朋友開心，我多數用個藉口就去一去，跟住畀少啲人情，咁樣去儲錢。」

Photo from maxc @ ig

為了外景飯盒刻意遲收工

張達倫深知藝人收入不穩定，所以在未有小朋友之前每天限制自己只用250元，有時一餐一個麵包，放工就在公司Canteen醫肚，皆因價錢較平，更為了吃外景飯盒刻意遲收工，「就算放工都要留喺飯堂食飯，仲有外景，點解會冇飯盒？因為早收工就冇，傻咗咩，咩早收工，咁我咪拍夜啲。」

Photo from maxc @ ig

慨嘆香港樓市值升如坐火箭

雖然搏命搵錢儲首期，但張達倫明白到無論如何也跟不上樓價升幅，與其追求夢想中Dream House，倒不如先上車再打算，用樓換樓的方式去賺到夢想屋。「我依家層樓本來只係租，住咗一年好舒服，點知層樓一年已升咗百幾萬，追極都追唔到……我同老婆講真係要去籌備呢件事，唔好再去諗，結果就買咗我租嘅單位，我最初嘅心態係樓價點會再升，搭火箭咩？喺香港買樓原來係一個學問，點都搵機會入咗場先，入場後升幅可能一年都搵唔到或者儲唔到，所以要用樓換樓呢個方式去諗，希望愈搵愈多，愈住愈大，小朋友開心啲，老婆又穩定啲。」
Text：TopBeauty Editorial

黎芷珊親揭與張達倫分手原因：唔想阻佢不相信婚姻無悔放手單身9年享受單身快樂

【失憶24小時】張達倫演渣男獲讚好演技現實中典型愛妻號視繼女如己出

黎芷珊張達倫分手9年齊送別離世養貓皆因張達倫曾承諾：無論身處何方第一時間趕回來

7 Sep 2021

也許大多數人分手之後就選擇不再聯絡，甚至有些會丟掉前任的禮物或一切物品，不過，仍有些人選擇分手後繼續保持朋友關係，甚至乎昇華到變成親情。黎芷珊過去曾經同張達倫拍拖9年，他們分手後仍然保持友好關係，就算後來張達倫結婚生仔，芷珊都有送上無限的祝福。二人在拍拖時共同飼養的愛貓Chi Chi於上個星期離世，他們一起為愛貓送上最後的告別。

Photo from fb@Maria Luisa Leitao

張達倫會在黎芷珊旅行時照顧愛貓

芷珊昔日同張達倫拍拖時，一起領養了兩隻貓Chi Chi和「喳喳」，芷珊過去在接受訪問時坦言二人雖然分手了，但仍一起肩負照顧貓貓的責任，而張達倫亦有保留她家中的鎖匙，在她去旅行的時候會幫忙照顧18歲的老貓。

Photo from fb@Maria Luisa Leitao

Photo from fb@張達倫

不過，年邁的Chi Chi於上個星期離世，芷珊為牠舉行告別式，而張達倫亦有出席。從相中可見，Chi Chi躺在毛巾上面，被白色的鮮花包圍住，兩人分別輕摸Chi Chi的面頰，遠勝過千言萬語。而芷珊亦將Chi Chi仍是幼貓時的照片上載，回憶當初兩人一起將Chi Chi帶回家時的經歷：「上星期的今日你離開了！親眼看着你離去，太心痛！沒有你在我身邊的日子實在太難過！I miss you so much Chi Chi boy! 18年前我們一起帶你返屋企，如今一起送別你，都算是圓滿了！這些年來，多謝你陪伴我渡過了開心同唔開心的日子，相信你而家應該去咗一個好好嘅地方，健健康康開開心心地生活！I will always love you my Chi Chi boy!」

Photo from fb@Maria Luisa Leitao

張達倫曾答應處理愛貓身後事

兩個人由相愛到分手，仍然可以繼續一起照顧愛貓，甚至最後為愛貓送上最後的告別，試問有幾多對舊愛做得到？當年芷珊同張達倫分手時，芷珊曾提及若愛貓離世，她會不懂得處理，而張達倫當時答應她假如真的有這一天，無論他身處何方都會第一時間趕回來助她處理愛貓的身後事。

Photo from ig@@maxc

婚姻觀差異無法開花結果

芷珊同張達倫拍拖9年，雖然二人年紀相差12年，但溝通上完全沒有問題，可是他們最終無法開花結果。芷珊曾自爆婚姻觀差異令二人未能繼續走下去。芷珊因原生家庭關係而不相信婚姻，而張達倫則是需要一個人肯結婚、肯跟他生小朋友的人組織一個完整家庭。雖然當初張達倫經常對她說：「我唔要小朋友都得！」但芷珊明白自己不能太自私，因此決定放過對方，讓張達倫可以有自己的人生。後來芷珊在接受訪問時坦言見到張達倫有一個幸福的家庭，她更欣慰當初決定分開是一件很正確的事。