二話不說為愛人護航!鍾麗緹因飲油減肥、高齡備孕被批評,老公張倫碩第一時間維護她~

二話不說為愛人護航!鍾麗緹因飲油減肥、高齡備孕被批評,老公張倫碩第一時間維護她~

Hot Topics
By Aisa on 05 Mar 2019

曾經經歷兩段婚姻嘅48歲鍾麗緹,過去因為演出內地綜藝節目《如果愛》同細自己12年嘅內地男藝人張倫碩戲假情真,相戀結婚~當時呢段姐弟戀面臨唔少輿論,婚後鍾麗緹試過因為高齡備孕同飲油減肥嘅事被評擊,不過身為老公嘅張倫碩二話不說出嚟發文為愛妻護航,果然係真男人!

Photo from 鍾麗緹@Weibo

 

# 被作家狠批高齡備孕

鍾麗緹同兩位前夫育有三個囡囡,嫁比張倫碩1年後,決定比女兒跟老公姓張,而佢好希望可以為張倫碩誕下屬於兩人嘅愛情結晶,上年年底佢表示自己已經努力備孕,更會前往美國做試管嬰兒。

Photo from 鍾麗緹@Weibo

 

但呢個消息一出街似乎馬上被扭曲,一位內地網絡作家「靈魂有香氣的女子」發佈出一篇名為《48歲鍾麗緹哭著向丈夫承諾「會盡快生孩子」:別讓子宮綁架了愛情》嘅文章,內容指高齡嘅鍾麗緹為咗生BB,服用大量激素類藥物,甚至打咗上百次排卵針,道出姊弟戀婚姻中女方嘅難處,指佢地為咗生育同維繫婚姻奮不顧身,言辭帶有諷刺意味。

Photo from 鍾麗緹@Weibo

 

文中又反問:「一個真正愛的男人,會為了要一個孩子而不惜抵上你的健康和生命麼?」,暗示鍾麗緹嘅老公為咗要小朋友而妄顧妻子身體,根本唔愛佢。

Photo from 鍾麗緹@Weibo

 

呢篇不實嘅文章,令張倫碩非常嬲,護妻心切嘅佢喺微博上炮轟作者:「請問這些惡毒的胡編亂造!胡說八道!有網警可以管嗎?為什麼網絡流氓和充滿偏激思想的人在我們國家還可以自稱自己是知名情感作家? !」

Photo from 鍾麗緹@Weibo

 

「首先你寫的全是假的。其次你的無知和無謂真的讓我驚訝!我老婆從沒打過一針,也沒吃過任何激素類藥物。我也從沒給過她任何壓力。她只是早睡早起吃得好鍛煉的好來調整自己的激素水平。」「還有那些照片!請大家去看看《舉杯呵呵呵》這期節目!你的無恥一覽無遺!本來不想理。但我真的想報警。你這種網絡流氓想罵誰想羞辱誣陷誰怎麼就這麼隨意吶? !既然你有十八萬粉絲!我特別想問問你是收錢寫黑稿吶?還是花錢買的粉絲吶?」

Photo from 鍾麗緹@Weibo

 

而鍾麗緹後來亦有發聲明闢謠,而且亦表示感謝有個咁愛護自己嘅老公!而張倫碩嘅激烈反應,除咗針對作者嘅錯誤言論外,更係為佢惡意批評呢段姐弟戀而作出反擊。

Photo from 鍾麗緹@Weibo

 

# 飲油排毒被質疑成效

而宜家已經48歲但依然保養得宜,皺紋都無幾條嘅鍾麗緹,早前喺微博上同大家分享佢同屋企人去泰國蘇梅島進行排毒療程,表示佢一家人喺呢11日嘅旅程入面只係飲油,仲話咁樣可以將身體嘅毒素排出嚟,就連佢自己都覺得好不可思議~

Photo from 鍾麗緹@Weibo

 

但佢呢個Post一出,就引來內地網民熱烈討論,大家都質疑佢所講嘅飲油排毒療程到底有無成效,仲有醫生走出嚟話鍾麗緹呢個飲油排毒療程只係浪費金錢,否定療程嘅功效。之後鍾麗緹都有發文表示每個人養生嘅習慣同想法都唔一樣,佢只係想將自己嘅體驗同大家分享。

Photo from 鍾麗緹@Weibo

 

而張倫碩都喺微博上,發文為老婆護航。承認佢地講野唔夠謹慎,指佢地原本只係想表示適當斷食係對身體有好處,但就講成係療效,同時佢亦對醫生同網友們嗁提醒表示感謝。

Photo from 鍾麗緹@Weibo

 

其實人當然會有講錯野、做錯野嘅時候,而作為一個女人最幸福嘅當然就係有一個喺自己遇到問題時,二話不說第一時間擋喺你面前為你護航嘅男人啦,鍾麗緹終於搵到呢個人啦~

Photo from 鍾麗緹@Weibo

 

Text:TopBeauty Editorial

Photo Source:Weibo

 

 

 

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK