老婆是工作的動力！楊怡結婚兩週年放閃，羅仲謙博命工作只為她：「我會更拼命，讓你吃得好、住得好。」

早前羅仲謙因楊怡一句「擁抱的時候沒甚麼感覺」而日夜狂操肌肉，令粉絲們十分羨慕～日前兩人結婚兩週年更大放閃光，楊怡隔空向老公示愛寫道：「時動時靜，願我們繼續打打鬧鬧，蹦蹦跳跳，開開心心的幸福下去。」真係sweet到要戴返副超先頂得住道閃光啊！

講到「寵妻號」羅仲謙絕對係實至名歸，佢會因為老婆楊怡嘅一句說話而去狂操肌，Instagram亦只追蹤楊怡一個！謙仔透露：「因為我追求她時，身形較健碩、後來瘦了，她說擁抱的時候沒甚麼感覺。」

咁操法就係為咗重燃老婆擁抱時果種嘅感覺，謙仔特別著重上半身嘅鍛練，手臂、胸肌、腹肌都係佢重點鍛練嘅地方！

謙仔直言婚後成個人都變得更有目標，努力有方向，頻頻北上搵人仔養家：「當你很辛苦時候，你會知道為了什麼，我辛苦時會想想老婆，她在家裏睇電視、上網，好舒服好得閒，你的辛苦換到某個人好開心是值得的。」

早前謙仔曾接拍網劇《無間道》，有一幕佢個頭俾人按下水約10秒，好痛苦地不停掙扎，不止粉絲睇得肉緊，連楊怡都好心痛：「老公， 其實我不用吃得好、住得好，所以你不用那麼拚命的。」

羅仲謙見到老婆咁愛錫自己，就更加激起佢鬥心：「就因為你這句說話，我會更拼命，讓你吃得好、住得好。」之後謙仔接受訪問時更表示呢句說話成為咗佢工作嘅動力，真係好Man啊！

羅仲謙平日都好寵老婆，楊怡39歲生日時請來大班好友為佢搞波波池生日派對，聖誕節更化身梯子，俾老婆騎膊馬裝飾聖誕樹，呢樣嘢真係唔多男人做到，真心要俾個like謙謙！

睇見佢地兩個咁sweet真係好羨幕啊！希望大家都可以遇到個好似謙仔咁寵妻嘅老公，共勉之！

Text：Girlslike Editorial

Photo source：IG