【我要做業主2】楊卓娜月入6千逼楊茜堯合資買樓 為供樓十多年沒去旅行 持貨至今賺500萬

【我要做業主2】楊卓娜月入6千逼楊茜堯合資買樓 為供樓十多年沒去旅行 持貨至今賺500萬

Hot Topics
By Fennie on 04 Oct 2021
Digital Editor

胡諾言、Patrick Sir和李旻芳主持的TVB新節目《我要做業主2》,最新一集邀請了楊卓娜分享買樓經驗。楊卓娜透露她是同妹妹楊茜堯(前名楊怡)合資買入將軍澳中心單位,當時月薪只有6000元,但卻用2/3來供樓,雖然過程好辛苦,但她認為堅持買樓是最正確的確定。

楊卓娜分享上車經歷
Photo from 《我要做業主2》節目截圖

同楊茜堯合資買樓

楊卓娜同楊茜堯入行時同為TVB藝人,兩姊妹感情相當好。楊卓娜在節目中憶述,由於自細同家人租樓住,到出來工作之後便希望可以置業,擁有自己的Dream House,當時看中仍未發展完善的將軍澳區一個700多呎單位,售價約200萬。由於初入行人工不高,當時月薪只得6000元,於是便同妹妹楊茜堯一同合資,以及向媽媽借少少錢,籌到5%首期成功上車:「媽咪住沙田,嗰時交通唔方便,所以要搵個地方定居,就同媽咪借咗少少錢,嗰時畀5%首期就OK。」

楊卓娜同妹妹楊茜堯(前名楊怡)合資買樓
Photo from ig@tavia_yeung

楊卓娜同楊茜堯(前名楊怡)替媽媽慶祝母親節
Photo from ig@tavia_yeung

游說楊茜堯供完樓後可享財務自由

楊卓娜笑言當年楊茜堯因感做藝人經常有應酬,需要錢買衫,擔心供樓壓力大,她便游說妹妹已為她計算開支,並指供完樓後就可享財務自由:「當時同媽咪計清楚,我知我嚟緊要點洗,之後阿妹就同我講,你有冇計過我點洗呀?其實我都幫佢計過,10年之後供甩就會好開心,佢都有聽,因為我同阿媽一齊去說服佢。之後我哋就老笠佢,呢頭睇完轉頭就買咗,佢就話你哋去買菜呀?」

楊卓娜為供樓放棄社交
Photo from ig@lennayeung

楊卓娜為置業十多年沒去過旅行
Photo from ig@lennayeung

為供樓十多年沒去過旅行

楊卓娜又透露當時初入行,人工只有6000元,為了供樓,她放棄了同朋友出街食飯,更指自己十多年沒去過旅行:「為咗供樓我拒絕社交,你知呢行幾多應酬,慳得就慳,百幾二百蚊對我嚟講已經好好用。大家要有個共識,一齊去渡過艱難嘅時期,入咗行十幾年,我冇去過一次旅行。」

楊卓娜楊卓娜同楊茜堯(前名楊怡)所持有的單位已升值市價700萬
Photo from ig@lennayeung

楊卓娜現時已是少奶奶
Photo from ig@lennayeung

現時將軍澳區樓價升值不少,楊卓娜、楊茜堯所持有物業已升值500多萬,市值逾700萬,楊卓娜更透露楊茜堯不想賣出去,因此一直放租賺取租金收入。

楊卓娜表示早買樓早享受
Photo from ig@lennayeung

Text: TopBeauty Editorial

廣告
廣告

更多相關文章

張達倫為首期上車慳到盡 限制日使$250 朋友結婚早走做少啲人情

21 Sept 2021

TVB節目《我要做業主》去年播出大受歡迎,近期播出全新一輯《我要做業主2》,首集邀請藝人張達倫分享置業的心路歷程。出名是顧家好男人的張達倫透露當年為了儲首期無所不用其極,更誇張到為了慳人情去到婚宴show face就閃人、限制自己每日只用250元。

近期播出全新一輯《我要做業主2》,首集邀請藝人張達倫分享置業的心路歷程
Photo from maxc @ ig

張達倫透露當年為了儲首期無所不用其極,更誇張到為了慳人情去到婚宴show face就閃人
Photo from maxc @ ig

張達倫去年成功上車

香港樓價高企,置業何其難?圈中是出名好丈夫、好爸爸、好男人的張達倫,為了給家人有個安樂窩,他慳到盡去儲首期,去年成功上車購入將軍澳一個三房單位,但這一切得來並不易,而是付出了許多努力和心思。

為了給家人有個安樂窩,他慳到盡去儲首期,去年成功上車購入將軍澳一個三房單位
Photo from maxc @ ig

人情慳得就慳

他說:「老實講,香港樓好貴,要儲首期係好大問題,以前點儲呢舊錢番嚟?由工作慢慢積累,或者買股票升之類外,有一段時間我恐怖到點呢,有朋友結婚,收到請柬又唔想唔去,又想戥朋友開心,我多數用個藉口就去一去,跟住畀少啲人情,咁樣去儲錢。」

人情慳得就慳
Photo from maxc @ ig

為了外景飯盒刻意遲收工

張達倫深知藝人收入不穩定,所以在未有小朋友之前每天限制自己只用250元,有時一餐一個麵包,放工就在公司Canteen醫肚,皆因價錢較平,更為了吃外景飯盒刻意遲收工,「就算放工都要留喺飯堂食飯,仲有外景,點解會冇飯盒?因為早收工就冇,傻咗咩,咩早收工,咁我咪拍夜啲。」

為了外景飯盒刻意遲收工
Photo from maxc @ ig

張達倫深知藝人收入不穩定,所以在未有小朋友之前每天限制自己只用250元
Photo from maxc @ ig

慨嘆香港樓市值升如坐火箭

雖然搏命搵錢儲首期,但張達倫明白到無論如何也跟不上樓價升幅,與其追求夢想中Dream House,倒不如先上車再打算,用樓換樓的方式去賺到夢想屋。「我依家層樓本來只係租,住咗一年好舒服,點知層樓一年已升咗百幾萬,追極都追唔到……我同老婆講真係要去籌備呢件事,唔好再去諗,結果就買咗我租嘅單位,我最初嘅心態係樓價點會再升,搭火箭咩?喺香港買樓原來係一個學問,點都搵機會入咗場先,入場後升幅可能一年都搵唔到或者儲唔到,所以要用樓換樓呢個方式去諗,希望愈搵愈多,愈住愈大,小朋友開心啲,老婆又穩定啲。」

Text:TopBeauty Editorial

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK

Share to Facebook