天然美女金泰希，39歲依然充滿少女味！凍齡全靠幾個小習慣＋獨門「抗老煎餅」～

By Aisa on 06 Mar 2019

一個追逐夢想的女生，深信未來是屬於相信心中美夢的人。

同韓星Rain鄭智薰結婚兩年嘅金泰希，早前就宣布再度懷孕，兩年抱兩大家都好藉佢地高興～今年已經39歲嘅金泰希，美貌依然，美女面孔但卻散發住濃濃嘅女人味。雖然即將會係兩個小朋友嘅媽媽，但肌膚望落依然水嫩有彈性，而保養方法其實只係幾個簡單重點＋一個獨門方法！

清潔係保養嘅第一步，對於皮膚影響尤其深～而金泰希每次做完野番到屋企，都必定會仔細卸妝，就連眼、唇同頸呢啲小細節佢都會好小心對待，以防出現細紋～

Photo from Pinterest

# 盡量素顏

因為工作關係，金泰希無法避免接觸到化妝品，所以放假嘅時候，佢會盡量素顏，比皮膚有機會好好仔息。佢分享每日朝早嘅保養程序，洗臉後，會拍上化妝水，然後抹上精華液、乳液同埋眼霜，最後塗上一層BB Cream作底妝。而晚上，佢會減去精華液呢一步，塗上乳液後，搽面霜同眼霜～

Photo from taehee35@Instagram

#不用手摸臉

佢更提醒大家用護膚品嘅時候，力道要輕柔，唔好大力拉扯肌膚，否則好易會產生紋路～平時都盡量唔好用手摸塊面，以免將細菌帶到臉上。

Photo from Pinterest

# 嘴唇、雙手會揭露年齡

金泰希認為嘴唇同雙手呢兩個經常被忽略嘅部位，反而好易曝露出女性嘅年齡～佢曾經話過自己由20幾歲開始，就會帶定幾支潤唇膏出街，而且一得閒就會搽，夜晚就會用深層滋潤嘅護唇產品或者唇油保養嘴唇。因為對手成日都要見人，佢亦會隨身帶備護手霜，避免手部因為乾燥，而出現細紋。

Photo from taehee35@Instagram

# 抗老減肥二合一煎餅

金泰希亦好注重養生，平時好少會食油炸同高鹽分嘅食物～仲會食含有豐富維他命C及E嘅生果，而佢仲有獨門保養秘訣，就係「抗老煎餅」！抗老煎餅唔單止低卡，仲含有大量抗氧化劑同多酚，可以減肥嘅同時又可以令肌膚保持年輕～而做法其實好簡單，就係將山藥搗碎，再混合3至4匙麵粉，以及用一細撮鹽調味，再將材料分成幾份，放入平底鍋煎熟就完成。