目睹母親自殺、嫁患癌男友變寡婦、腦癇症纏身，劉倬琦：我不知道可以活多久，但希望活得燦爛！

1997年選美出身嘅劉倬琦，自從2008年離開香港去美國發展，已經有一段時間無喺公眾露面。其實劉倬琦本人一生傳奇，因為有腦癇症，令佢經常要出入醫院，多次因為暈倒走過生死邊緣；少女年代，家母因為長期病患忍受唔到病魔纏身而於屋企上吊自殺，當時年紀輕輕嘅倬琦問亡母：「點解唔帶埋我走」。長大後，跟歐洲籍男友相戀，結婚兩年就因為老公離世變成寡婦。人生種種經歷造就一個更強大嘅劉倬琦，如今走出喪夫之痛嘅佢番到香港重新生活，重過新生活。

Photo from from Sina

1997年參選港姐入行嘅劉倬琦，曾經同黃霑等主持《城市追擊》，又參與過《金枝慾孽》演出，即使你無印象，大概都對佢賣嘅涼茶廣告唔陌生。

倬琦2015年下嫁歐洲籍男友，當時佢已經知道對方患有淋巴癌，隨時會離開人世，但倬琦仍然不離不棄執意下嫁。倬琦只想係跟老公相處剩餘嘅日子中，好好珍惜彼此相愛的每一分每一秒。當時佢暫停手上一切工作，陪老公打仗。幸福日子只維持咗短短兩年，老公最終不敵病魔離世。縱使婚姻短暫，但倬琦仍然深深愛過枕邊人，許下矢志不渝嘅承諾。

由幸福新婚婦人變成寡婦身分，倬琦經歷喪夫之痛後一直表現堅強，佢選擇回香港重新生活，又主動跟朋友聯絡，回應傳媒「不用擔心，我很好！」（Don't worry about me! I'm doing perfectly fine! ）生命未必會特你很好，人生不如意事仍然有好多，但倬琦樂天性格就將佢從傷痛中得以拯救。

Photo from from Tvb

Photo from from Weibo

常言道性格與成長背景有連繫，倬琦堅強獨立嘅個性，原來跟細個經歷有關。倬琦14歲嘅時候，有日發現媽媽久久無出房門，開門後驚現媽媽上吊自殺。當時只有14歲嘅佢，壓抑住內心恐懼，親手彖將媽她抱落嚟，冷靜報警同通知爸爸。等到一切事情安排好後，佢冷靜落嚟後先崩潰大哭，當時佢反問媽媽「點解唔帶埋我走？！」後來更一度責怪母親自殺，「你不給我榜樣，路該如何走。」

Photo from from Weibo

有人話上天關了一道門，必定會為你開一扇窗。倬琦雖然自細就患有嚴重過敏同哮喘，普通如塵埃、花生、糖果、都會令佢過敏發作，輕則流眼水，重則全身腫脹、氣管收縮。由於長期需要服用大量藥物，近年更出現腦癇症。自母親去世，上天似乎未為佢日後嘅路打開了一扇窗，倬琦人生仍要接受種種不如意事，但就更令佢明白何謂活在當下。「雖然我不知道可以活多久，但我希望活得更燦爛，不要讓自己離開的那天後悔。」

Text：TopBeauty Editorial

Photo source：Instagram