港台最靈姻緣廟、姻緣石！連徐子淇、舒淇都拜過，想找到好歸宿就要試試～
雖然話姻緣天注定，不過都唔代表你唔可以試下爭取好姻緣嘅～就好似千億新抱徐子淇同幸福人妻舒淇咁，原來佢地都為咗覓到好歸宿而試過拜姻緣廟、姻緣石！係唔係咁靈呢？就真係信則有，不信則無啦～不過如果好想脫單嘅你，何妨試一下啦～話唔埋下一個千億新抱就係你啦～！
# 徐子淇：寶雲道姻緣石
徐子淇同屋企人去參拜完寶雲道嘅姻緣石，兩年後就成為嫁入李家，成為豪門媳婦，過住幸福少奶奶生活，一轉眼已經成為4位小朋友嘅媽媽！
Photo from cathy_chui_official@Instagram
到底關唔關姻緣石事，就真係無人知啦，不過心急想脫單嘅你，不妨嚟寶雲道行一轉拜下姻緣石，話唔埋下一秒就有好姻緣從天而降啦～
Photo from cathy_chui_official@Instagram
據講，每逢農曆初六、十六同埋二十六嚟參拜，會係最靈嘅「吉日」。由寶雲道上行，中段會見到有間用石建成嘅廟，向廟祝買好香燭後，誠心上香，並報上你嘅姓名、出生日期，以及理想對象嘅條件。如果你已經有心儀對象，就報上佢嘅名，然後焚寶燭。之後，沿住石級行到最頂，就係姻緣石嘅所在地，然後再次誠心上香，許願。完成哂以上步驟之後，返去廟到，廟祝會將姻緣符同糖派比你，然後再轉轉風車，整個參拜程序就大功告成～
Photo from Sina
# 舒淇：台北龍山寺
有傳舒淇舒淇之前喺台北拍攝電視節目嘅時候，就係去咗龍山寺求姻緣線，而紅線將佢同馮德倫牽引埋一齊。其實台北龍山寺好有有歷史，一向香火鼎盛，有唔少信眾都會慕名而來，祈求早日脫單，覓到美滿姻緣。
Photo from sqwhat@Instagram
入廁先要向寺內諸神，請個安，誠意送上供品～寺入面有三個香爐，據聞要按次序，喺觀音爐、天公爐同媽祖爐，各上一炷香。
Photo from Sina
之後往左邊走，就會見到「月老神君」，要向月老道明你嘅芳名、農曆出生年份日期、住址，然後問月老：「可否取一條紅線？」之後，擲三次聖筊，如果其中出現一陰一陽之卦，就代表月老示意你可以拎走紅線。然後好好收喺自己銀包，姻緣就會降臨～
Photo from Sina
Text：TopBeauty Editorial
Photo Source：Sina, Instagram
