「娶到林燕明係人生第二件幸運事」~鄭則仕感謝老婆不離不棄，患難而顯真情！

鄭則仕係演藝界嘅好戲之人係人都知道，不過反而佢嘅感情生活就絕少人提～原來鄭則仕背後係有一個同佢經歷咗多年患難嘅好女人—林燕明。即使近年身體變差，行動變得大不如前，鄭則仕老婆都依然不離不棄照顧佢！

鄭則仕係36歲時遇上比佢細14年同樣係演員嘅林燕明。林燕明不爭不搶嘅淡然態度喺娛樂圈實屬少有，加上姣好嘅樣貌令鄭則仕一見傾心。喺1991鄭則仕終得美人歸，齊齊步入教堂，期後仲生咗對仔女，過著幸福家庭生活。

Photo from webio

Photo from sina

「除了妻女能賣都賣」

鄭則仕婚後嘅事業更上一層樓，攞過兩屆香港金像影帝。不過好景不常，喺1993年佢嘅電影公司欠落1700萬街數，由本來出入揸平治，住開千呎豪宅嘅鄭則仕都要變賣家產還債。

Photo from 網上圖片

Photo from webio

「娶到林燕明係人生第二件幸運嘅事，太太從來唔追求名牌同豪華生活，甚至喺我最失意嘅時候從無一句怨言」

鄭則仕喺剛認識林燕明時都話過佢係一個好女仔，好少買名牌包包，平時買嘅衣物都係特價貨，唔係一個拜金女。患難而顯真情，林燕明一如當初鄭則仕所認知一樣，無因為佢欠下巨債而離開佢，仲同鄭則仕熬過人生低潮，依份情意真係難能可貴～

Photo from sina

Photo from 網上圖片

「當你有家庭就要注重健康，因為你身體健康先可以令家人有信心」

近年鄭則仕嘅身體不如前，一下子暴瘦咗30磅，仲變得一頭白髮。老婆就做咗24小時貼身照顧看顧～鄭則仕都深知只有身體健康先可以作為報答老婆嘅禮物，所以都專注減肥同照顧身體～人生喺年輕時搵到個肯陪你捱，年老時又肯照顧你嘅人真係夫復何求呢～

Photo from web

Photo from sina

Text：TopBeauty Editorial

Photo source：Sina,Webio