老公的寵愛是女人最好的保養品！吳鎮宇結婚18年把愛妻寵成公主，不用她煮飯、做家務～

吳鎮宇除咗係一位出色嘅演員，演出過好多經典港產片外，私下佢係一位好爸爸、好老公。仲記得佢2008年嘅時候，帶住囝囝Feynman上內地節目《爸爸去哪兒第二季》，喺節目入面佢對囝囝非常嚴格，但佢其實好寵愛Feynman。而佢對老婆王麗萍嘅更係非一凡愛錫，結婚18年將愛妻徹徹底底寵成公主～

Photo from Weibo

吳鎮宇嘅老婆王麗萍本來係模特兒，但婚後低調息影，吳鎮宇唔希望老婆嘅私生活會因為呢段婚姻而受到影響，所以佢唔喜歡老婆同佢一齊喺公眾場合曝光，更唔會喺公開場合同老婆放閃，直到2014年吳鎮宇帶住囝囝參加《爸爸去哪兒2》，王麗萍先再次出現螢光幕前～

Photo from Sina

佢地結婚18年，但吳鎮宇從來無忘記過婚禮許下嘅承諾，一直將王麗萍當成公主咁寵愛。當時佢話過今後絕對唔會比老婆受一點苦，煮飯、洗碗、賺錢全部都包喺佢身上！

Photo from Weibo

婚後多年，吳鎮宇真係講得出做到，佢無比老婆做過家務，《爸爸去哪兒2》入面，王麗萍為老公同囝囝炒咗一碗蛋炒飯，佢話呢次係佢結婚後第一次煮飯。願意如此寵愛心愛女人嘅男人，世界又有幾個？宜家已經48歲嘅佢，面上依然毫無倦容，證明老公嘅寵愛係女人最好嘅保養品～！

Photo from Weibo

Text：TopBeauty Editorial

Photo Source：Sina，Weibo