鍾麗淇女兒罕見基因病，與老公攜手度過各種難關：「我嘅責任就係要令佢哋生命更開心」

By Aisa on 07 Mar 2019

一個追逐夢想的女生，深信未來是屬於相信心中美夢的人。

鍾麗淇Margaret 2010年嫁比中意混血男友Nardone Ruggero，2011年生咗囡囡Isabella，但喺囡囡半歲大嘅時候就證實患上罕見嘅基因病「四號染色體缺損綜合症」。不過Margaret一家並無因此被擊敗，喺佢嘅悉心照顧下，Isabella已經7歲大，一家四口宜家非常溫馨～！

Photo from yogachung@Instagram

鍾麗淇同老公Nardone Ruggero 係喺朋友聚會入面認識，當初兩人因為興趣相似，情投意合。Margaret認為老公性格真誠，願意耐心聆聽佢嘅心事，早已認定佢係Mr. Right，拍拖2年後喺2010年結婚。

Photo from yogachung@Instagram

宜家鍾麗淇已經退出娛樂圈成為瑜伽老師，雖然大女Isabella患上罕見基因病，不過兩公婆共度難關，宜家一家四口非常溫馨快樂！

Photo from yogachung@Instagram

鍾麗淇同老公拍拖嘅時候就已經相處合拍，不過兩人當時其實無諗太多將來，佢地認為愛情嘅意義，並唔在於婚姻或者經濟，而係快樂，所以一直將心思花喺建立感情上！到2010年鍾媽媽患病，佢渴望見到幼女搵到好歸宿，而鍾麗淇剛巧懷孕，於是兩人便步入教堂。婚禮過後鍾媽媽離世，而大女出生又發現患上罕見基因病，鍾麗淇與老公攜手共度難關，一直互相扶持，走到今日！

Photo from yogachung@Instagram

大女Isabell所患嘅係罕有基因病「四號染色體缺損綜合症」，Isabella出世嘅時候，同其他BB無分別，直到六個月大嘅時候，Isabella發燒抽筋一個鐘，送入瑪麗醫院ICU，一星期後再發燒抽筋，醫院經兩個月測試後，得知患有罕有基因病。不過Margaret並無感到氣餒，佢積極樂觀用心照料，Isabella宜家已經六歲大，眼見女兒慢慢長大，Margaret決定生多個，細女Michela就喺2015年出世。