羅霖用一層樓供兒子美國留學：錢冇咗可以再賺返單親生活影響大仔婚姻觀

By Fennie on 15 Nov 2021

Digital Editor

現年56歲、人稱「美魔女」的羅霖離婚近10年並獨力撫養3名兒子。近日她分享大仔劉子榕（Nathan）在香港理工大學畢業典禮照片，相中的羅霖以短裙襯長Boot現身，打扮青春似足兩姊弟。羅霖最近亦接受車淑梅電台節目《舊日的足跡》訪問，分享獨力養大3名兒子的辛酸。

Photo from ig@candylolam

羅霖：錢冇咗可以再賺返

羅霖回想起離婚近10年、母兼父職把3名兒子養大，當中有苦有樂，她表示自己年紀大，沒有樓在手不知怎麼辦，但又認為供兒子讀書比起層樓更重要：「我本來唔想再租樓，但最後決定用一層樓嘅錢供佢哋去美國讀書，佢哋知道㗎。因為小朋友嘅知識係一世嘅，錢冇咗可以再賺返嚟。」

Photo from ig@candylolam

不過，大仔Nathan的求學路甚為崎嶇，在港讀完基督教國際學校（ICS）後，便到英美升學讀媒體、設計及法律，但後來卻發現最愛不是法律，毅然輟學返港入讀理工大學商業設計。雖然羅霖曾大呻浪費了3年逾百萬學費，但她仍支持大仔做喜歡的事。至於二仔劉子熙（Jordan）則在美國洛杉磯一間大學讀心理學，現在已找到實習工作，並正儲錢修讀碩士，去年更與女友Dhyana拉埋天窗。羅霖被問到是否榮升「嫲嫲」，她表示鼓勵二仔同新抱先過二人世界：「我唔心急抱孫呀，我鼓勵佢哋多啲二人世界，做咗父母後注意力就會畀晒BB。雖然未見過新抱，但係我哋好了解彼此，我畀佢100分。佢哋好恩愛，又好想結婚，真係難得。」

Photo from ig@candylolam

離婚影響兒子的婚姻觀

羅霖被問到與丈夫離婚會否影響到3名兒子的婚姻觀，她透露兒子們對婚姻有不同看法：「大仔係不婚主義者，可能佢睇到我嘅過程，話一個人自由自在；二仔15、16歲已經話想快啲組織美滿家庭。」羅霖亦指不希望兒子因單親家庭關係而心理有陰影，因此她會經常在兒子面前扮強者，更不會將負面情緒帶給他們。

Photo from ig@candylolam

縱使離婚多年，羅霖希望可以同前夫做朋友，她認為離婚後成為陌路人沒問題，但對子女的成長「最好有商有量」，可是對方的想法不同：「我教啲細路過時過節要有訊息畀爸爸，因為你恨一個人，一世都會好辛苦，一定要放低（過去），面對未來，唔可以憎人，（憎人）只會折磨自己，好蠢！我唔講咁多前夫嘅嘢，總之我哋對仔女嘅相處方法係相反。我講我自己好嘞！免得收律師信。佢而家都有家室，費事以為我仲掛住佢，哈哈，我講笑呀！」

Photo from ig@candylolam

羅霖被問及是否有「第二春」，她表示3名兒子也贊成她拍拖，但她害怕因感情再遇挫折而崩潰，因此目前將所有注意力都放在工作上：「有就有，冇就冇，冇得強求。如果遇到就係我嘅福氣，我希望對方可以同我心靈溝通，好健康，唔好要我照顧，乜嘢年紀都得，不過最重要心地善良，但係我暫時未有對象。」

Text: TopBeauty Editorial

張柏芝單親媽媽唔易做！為陪伴兒子成長努力維持工作家庭平衡更不逼兒子贏在起跑線

單親媽媽羅霖為母則強忙賺錢養家大仔畢業感概萬千：流了不少眼淚和汗水

21 July 2021

現年55歲的羅霖自2013年與劉坤銘離婚後，一直努力工作賺錢湊大3個兒子，萬事以「仔」為先。其中23歲的二仔劉子熙（Jordan）早年到美國讀大學，及後於當地定居及工作，並宣布與拍拖拍拖一年多的混血女友結婚。日前，24歲大仔劉子榕（Nathan）亦大學畢業，昨日羅霖與社交平台貼相與大家分享這份喜悅。