東方不敗美人現身闢謠,林青霞否認婚變:「我幸福美滿,家庭和樂。」

東方不敗美人現身闢謠,林青霞否認婚變:「我幸福美滿,家庭和樂。」

Hot Topics Relationship
By Michelle on 10 Mar 2019
Digital Editor

林青霞1994年嫁比富商邢李㷧後,漸漸退出幕前工作,留喺香港專心照顧老公同埋兩個囡~前年佢就喺內地節目復出,自爆同老公邢李㷧結婚前半年最寂寞,之後更被傳媒舖天蓋地指林青霞婚變,更話佢一直不滿老公有小三,決定離婚,拎咗20億跟女兒過新生活。日前林青霞就終於現身回應婚變傳聞,笑斥傳言不實離譜,又強調「我幸福美滿,我家庭和樂。」

Photo from from Sina

仲記得當年令許多人為之驚豔的「東方不敗」,林青霞美絕港台嘅絕色美貌加上英氣的古裝扮相,真係迷倒唔少人。即使《東方不敗》多年來被翻拍過不少次,但到宜家依然無人能取代到林青霞版本那種美,「第一美人」呢個稱號絕對當之無愧!

Photo from from Sina

當年林青霞係唔少人嘅夢中情人,但過去情路坎坷,曾經多次做人小三,成為被攻擊嘅對象。最後遇上邢李㷧,兩人於1994年喺三藩市完成婚禮。

Photo from from Sina

老公邢李㷧係全球500大富豪之一,身億超過百億。林青霞當年嫁得非常風光,先後為老公誕下女兒邢愛林、邢言愛,據指「邢愛林」有「邢李㷧愛林青霞」嘅含意,而「邢言愛」就係取「仍然愛」諧音,可見兩人的確好愛對方!但其實佢地結婚多年,曾經多次傳出過婚變,不過兩人都一直否認。

Photo from from Sina

前年林青霞突然現身大陸綜藝節目《偶像來了》,被問到「最孤單是什麼時候?」時,佢回答:「和我老公結婚的前半年」,令在場人士都好驚訝,更傳出佢其實內心對闊太豪門生活並唔太嚮往。亦有指林青霞當時「驚喜復出」,係因為佢不甘婚姻、家庭生活空虛,決定要重投演藝生活,甚至又有指佢係為同有小三、私生子嘅老公鬥氣。

Photo from from Sina

之前傳有人於明星飯局上爆料,:「她離婚了啦!拿了港幣20億元(約新台幣80億元)贍養費…」對於傳言,林青霞近日終於現身闢謠。「我覺得太好笑了,我覺得應該沒人當真吧,簡直太離譜了。」至於跟老公邢李㷧嘅關係,青霞強調:「我幸福美滿,我家庭和樂。」

Photo from from Sina

而佢亦透露家人為佢犧牲甚大,「我的家人,因為娶了一個出名的老婆,做了名人的女兒,所以犧牲很大,比較不自由,他們不喜歡暴露在傳媒下,這是我對他們最愧疚的。」

Photo from from Weibo

林青霞曾經講過,感激自己人生圓滿,有三個乖巧嘅女兒同錫佢嘅老公。而淡出銀幕25年的青霞,至今仍然係散發住陣陣貴氣美,見到女神幸福嘅笑容,所有傳言都不攻自破了。

Text:TopBeauty Editorial

Photo source:Sina,Weibo

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK