【解夢bb班】教你解讀6個常見夢境，被人追趕代表追趕者帶有你渴望擁有的特質！
日有所思，夜有所夢，但好多時我哋夢見嘅夢境，都係同現實經驗無關係，甚至可以稱得上怪異。例如發夢突然甩牙、跌落山崖、跳樓等等。發呢啲夢唔一定代表你有邪惡、唔見得人嘅諗法～想解夢，就要將夢境同發夢者嘅現實生活對照，加上夢者嘅真實感受，就可以拆解夢境有咩意思。美國心理健康協會主席 William Braun 為 The Rubin Museum 嘅 Dream-Over 活動中，解釋日常8大容易夢見嘅夢境～
Photo from falachenfala ＠ ig
＃1 畀人追趕
關鍵係，追你嘅人到底係邊個。怪獸？你熟悉嘅人？如果畀怪獸追，怪物可能代表你日常生活遇上問題，怪獸就係化成嘅一個動態形象出現喺夢中，比如係債務。如果係一個你熟悉嘅人，你就要諗清楚點解會係咁樣嘅夢境中會有佢嘅出現，以及佢喺你生活中擔當住一個咩角色。會夢見呢個人，往往都係現實生活中，你希望出現幫到你嘅人，比如係技能、安定、財富嘅比喻。
Photo from misselvani @ ig
＃2 甩牙
發夢甩牙嘅人，有機會係反映你對現實嘅不安，比如係覺得自己能力不足，權力、自由被制肘，從而令你抑壓嘅情緒從夢境中發洩出嚟。
Photo from misselvani @ ig
＃3 企喺懸崖邊，突然跌落去
如果夢見自己從高處跌下，代表你情緒臨近邊界點，反映你掌握唔到事情，覺得無助，從而衍生出不安感。
Photo from misselvani @ ig
＃4 成為富豪
如果你夢見自己成為當權者，有錢大富豪，甚至係CEO、領袖等，睇起上嚟好似雄心壯志，但發呢類夢境嘅人，現實生活往往唔係過得富足，所以潛意識用夢境做補償，或者掩飾自己無權無勢嘅不安。
Photo from from Pinterest
＃5 夢見現實生活片段
比較常見嘅就係夢見一啲現實生活零碎嘅片段，William Braun 指出呢類係屬於現實生活嘅殘留記憶，多數都係關於白天嘅生活片段。
Photo from from Pinterest
＃6 跟已經過世嘅親朋好友喺一齊
有人會覺得咁樣可能係「報夢」，而William Braun嘅說法就係代表你仍深愛住佢，希望佢仍然存活在喺現實世界中。
Photo from from Pinterest
