難敵7年之癢不減愛子之情。呂慧儀樂觀性格面對分訊：每天跟你在一起，我的世界都很美。
長腳蟹呂慧儀日前宣布跟黃文迪由夫妻轉為朋友，聲明更強調一直低調處理婚變係唔想影響囝囝生活。「分訊」一出令唔少網民大跌眼鏡。呂慧儀更表示早於舊年已一早跟前夫有共識地結束7年婚姻，雖然驟眼睇真係覺得事出突然，但心水清嘅話其實就會知道呂慧儀同黃文迪婚姻一早響起警號。
Photo from konniecrab ＠ ig
36歲呂慧儀一向公認係城中靚媽，高佻身材自出道以嚟都極其煞食。身高177cm嘅佢擁有43吋長腿，入行前更憑其姿色奪工展小姐冠軍，2006年加香港小姐獲得季軍後加入TVB，參與過唔少電視劇演出，喺電視劇《愛．回家之開心速遞》飾演熊若水大受歡迎。
Photo from konniecrab ＠ ig
雖然呂慧儀天生一副好身材，但就鮮有跟男藝人傳緋聞。佢喺2017年接受媒體訪問稱雖然自己模特兒出身，但內心始終追求踏實嘅家庭生活，擇偶條件要孝順同顧家。
Photo from konniecrab ＠ ig
2011年11月底，呂慧儀突然喺微博宣佈自己婚紗照，並簡單寫上「我要結婚了！」未婚夫正正係拍拖多年嘅男朋友黃文迪。
Photo from konniecrab ＠ ig
黃文迪2008年選香港先生，後來轉型做健身教練，直至2015年重返TVB當藝人。但工作量一直唔多，外界質疑佢哋係「男主內、女主外」，但呂慧儀一直力撐丈夫，話結婚所佩戴鑽飾，都係黃文迪買畀佢，而婚後安樂窩亦係丈夫黃文迪嘅物業。
Photo from konniecrab ＠ ig
但2013年，兩公婆關係就第一次出現暗湧。當時黃文迪喺個人社交平台上載一張男女喺車廂十指緊扣嘅照片，相中女人搽黑色指甲油。呂慧儀隨即大興問罪，語帶雙關留言「我想來想去都想不到我甚麼時候塗過黑色甲油，你是否記錯了？」更直接tag黃文迪。傳媒向當事人查詢係唔係有出軌之嫌時，呂慧儀無幫老公解話，更回應「如果係（有第三者）我會拱手相讓，唔鍾意爭嘢。」 
2014年呂慧儀一索得子生下囝囝「小蟹籽」黃柏翹。自此更收起好身材，更多時候係上載同「老闆」嘅合照—呂慧儀戲稱囝囝係「老闆」，不時帶「老闆」周圍去，又笑稱「放假陪老闆係開心嘅，我亦中意返工，因為放假係會攰過返工嘅！」字裏行間盡見為人父母親同小朋友嘅愛護。
Photo from konniecrab ＠ ig
今年情人節，呂慧儀出席活動時仲話：「生小朋友後我們就沒過情人節，只慶祝囝囝半歲生日，我同老公講做樣都要送紮花啊！」雖然呂慧儀於分開聲明中提及唔涉及第三者，但就疑點重重，當時雖然已經離婚，但佢仍以「老公」稱呼黃文迪。
Photo from konniecrab ＠ ig
今年情人節，呂慧儀上載跟囝囝嘅自拍片，呂慧儀話唔係慶祝情人節而係慶祝「小蟹籽」4歲半生日。「小蟹籽」向媽媽送花：「老婆生日快樂」似眼有淚光的呂慧儀更正稱：「老婆情人節快樂。」「小蟹籽」錫咗媽媽一啖。雖然呂慧儀?日都有上載拎住玫瑰花嘅相，但就唔見黃文迪踪影，亦未有提及過紮花係老公送。
在 Instagram 查看這則貼文
其實自從舊年9月呂慧儀生日有上載跟黃文迪嘅合照後，就一直無咗兩公婆互動嘅消息。聖誕節、農曆新年亦只有佢跟《開心速遞》同事度過嘅相片，跟以前不時上載一家三口生活照嘅情況大有出入。
Photo from konniecrab ＠ ig
Photo from konniecrab ＠ ig
就連舊年11月，呂慧儀跟囝囝一齊參加Disney Run，黃文迪亦未有同行。
Photo from konniecrab ＠ ig
Photo from konniecrab ＠ ig
呂慧儀雖然工作繁忙，但一有時間都會湊囝囝周圍去，又會陪囝囝參加學校活動。又寫下：「每天跟你在一起，我的世界都很美。」跟前夫雖然已分開，但呂慧儀仍然積極樂觀，無被負面情緒影響囝囝，真係一位偉大媽媽啊！
Photo from konniecrab ＠ ig
Text：TopBeauty Editorial
Photo Source：Instagram
