真人版灰姑娘！羅拉朱芊佩被爆坎坷身世～童年寄人籬下被親戚背叛，由過千呎大屋趕至劏房！
舊年tvb節目《女人四十》上，港版羅拉朱芊佩一出場就一鳴驚人～作為搬運工人，雖然佢嘅職業唔合乎大眾對女性嘅期許，但朱芊佩不亢不卑嘅態度，從來唔睇低自己，更用更行動證明女人都可以勝任男人主導嘅行業，一個弱質纖纖女子擁有如此強大嘅內心，感動咗田蕊妮同一班觀眾，被封真女神。
Photo from from Tvb
有港版羅拉之稱嘅朱芊佩自從上tvb節目後，身價升逾10倍，宜家仲簽咗經理人，早前更參加內地相睇節目覓得欣賞佢嘅如意朗君，最後更功牽手！當晚，就連主持人都被佢嘅職業同樣貌反差嚇倒，直言見過真人後覺得佢「好可愛」！表面上一切都變得風光，開始搵番存在感、幸福等等...但美好背後就係一個鮮為人知嘅坎坷過去。
最近有一個聲稱係朱芊佩嘅親友向傳媒爆料，朱芊佩年紀輕輕未成年就畀姑丈、姑媽趕出屋企門口，自此就過住顛沛流離嘅生活。據知情親友透露，朱芊佩嘅嫲嫲係粵語長片年代嘅演員，叫馬金娘，而朱芊佩嘅姨婆更係粵劇界名人馬笑英，可見朱芊佩嘅童年家庭背景並唔係非常窮困。
但就因為朱芊佩爸爸錯信好人，令朱芊佩走長大後要揹上「羅拉」身分—為生計要做搬運工人、瞓劏房，過住唔係一般女生可以接受嘅生活。當年朱芊佩一家三口都係普通打工仔，與一般家庭無異，媽媽係全職家庭主婦，而爸爸就係打工仔，為照顧家庭生活需要早出晚歸搵食。
知情親友話，當年朱芊佩未出世前，佢嘅父母都喺香港生活，有次朱芊佩姑丈用朱父名義開咗一間財務公司，並因為咁而觸犯了香港刑事法例，最後更被判有罪，要坐監兼罰款。親友更話，後嚟上訴可以免去刑期，但仍然係要留案底。姑丈姑媽承諾會照顧被無辜牽涉在內嘅朱爸爸。
直至朱芊佩出世，父母就將佢送到姑母屋企生活。雖然姑丈係一名生意人，理應朱芊佩可以過住無憂無慮嘅日子，但偏偏姑丈姑媽令佢感受何謂寄人籬下。親友透露朱芊佩細個過住卑躬屈膝嘅日子，童年生活更同快樂扯唔上關係。
直到朱芊佩長大成人，姑媽姑丈更露出真本性，唔再兌現當初彌補佢哋家人嘅承諾，更狠下心腸逼剛剛讀完預科17歲嘅朱芊佩離開屋企，目的就係唔想再供養佢讀大學，所以朱芊佩高中後都無再讀書。
羅拉上節目時，曾經講過做搬運係想證明「男人做到嘅事，女人都可以做到」！而且剛入行啲野都「焗住」要做，如果唔係就會無屋住、無飯食～有一段時間，佢更加要瞓貨車、冬天喺果欄沖凍水涼⋯⋯佢輕描淡寫咁話：「冇得揀⋯⋯一係瞓車斗，一係瞓街」、「除咗含住金鎖匙出世嘅人，冇人一生落就乜都有。要靠自己努力先可以得到，努力活好每一天」，更喺節目上用咗一句「You will when you believe」激勵女性努力：「我得，你都得！」
Photo from from Tvb
的而且確，朱芊佩出身唔差，但就因為命運令佢無可避免走上一條難行嘅路，路途上更可謂有血有淚。佢曾經喺內地相睇節目《帶一百個女孩回家》中表示，因為表哥要娶老婆，於是媽媽（即姑母）開口要佢搬走讓位畀表哥。
但知情親友就反駁指姑母一家住逾千呎豪宅，「唔夠地方」根本唔係趕走朱芊佩嘅理由，但朱芊佩當時就無喺節目上透露過姑丈、姑母半句壞話。如果事情屬實，小編覺得朱芊佩唔單止係有氣有力嘅真女神，而且仲係心地善良，以德報怨嘅真人版灰姑娘！
Text：TopBeauty Editorial
Photo Source：tvb , Sina
