「曳曳」效果=做美容療程！外國專欄作家證實：連續7日曳曳，皮膚減少紅疹、紅潤發光！

外國專欄作家JESSICA DEFINO因為皮膚長期受到痘痘同紅疹嘅困擾，睇完《PUSSY A RECLAMATION》入面提及曳曳可以令女生容光煥發，把心一橫發起「曳曳革命」—連續7日跟老公曳曳，過程雖然「艱辛」，但結局卻係出人意表地有效！

Photo from from Pinterest

男性朋友間不時會笑言「曳曳」太多會精盡人亡，但女性則係相反—「曳曳」太少會顯得憔悴又失意，睇嚟去似失寵好dry～

Photo from from Pinterest

外國有位專欄作家Jessica睇咗一本叫《PUSSY A RECLAMATION》嘅書後，進行為期7日嘅「曳曳革命」，目的係透過房事改善膚質。雖然聽上去好啲古怪，而且做法都比較極端，需要連續一星期「曳曳」！但結果就令飽受痘痘同紅疹困擾嘅Jessica有咗改變～

「曳曳革命」實驗期間，Jessica每朝早都要進行自慰，並且係同晚再跟老公「曳曳」，以下係Jessica嘅記錄：

第一日：

皮膚暗淡，有疤痕、發紅同紅印，特別係鼻下。第1晚因為老公要加班，所以當晚並無曳曳。

Photo from from marie claire

第二日至第三日：

將第二日同第三日嘅自拍照作出比較，佢發現皮膚比較有光澤！

Photo from from marie claire

第四日：

皮膚望落去變得更加穩定，雖然連續曳曳多日已經好攰，但佢打算堅持落去，因為佢開始感受到「曳曳革命」嘅功效！Jessica表示自己嚟m前一定會爆痘痘，但實驗期間並無出現爆痘問題，一反常態嘅結果令佢好興奮！

Photo from from marie claire

第五至七天：

實驗進入尾聲階段，雖然連續7日「做實驗」令佢有種做苦差嘅感覺，一度想放棄，但辛苦都係值得的！因為實驗完成後，Jessica嘅自拍照明顯變得更靚—膚色均勻明亮，痘印紅疹減淡，基本上就似係做完一個貴價美容療程無異～

Photo from from marie claire

Photo from from marie claire

早於90年代，已經有研究發現每週有3次曳曳高潮嘅女性比起每週只有2次嘅望落去後生10年！另外，研究證明女性曳曳高潮後會釋放有益於皮膚嘅激素，降低皮質醇水平，並促進血液循環，刺激和修復膠原蛋白。（好厲害嘅好處！）

Photo from from Pinterest

Jessica最後更話，雖然「實驗」無完全跟計劃進行，亦無科學根據，但佢諮詢了皮膚專家意見，知道曳曳高潮會導致大腦觸發催產素釋放，有幫助皮膚自癒、令人瞓好啲、減少炎症等等嘅好處！

Text：TopBeauty Editorial

Source: marie claire

Photo Source：marie claire, Pinterest