【IT狗】MIRROR Frankie陳瑞輝演「Never」獲花姐讚：你做得幾好㗎！

Hot Topics

By Agnes on 24 Jan 2022

Senior Editor

ViuTV《IT狗》近期成為話題之作，當中MIRROR成員「皮皮」Frankie陳瑞輝演的放負「Never」常常爆出金句，角色掀起關注！日前Frankie接受美國華語電視節目《偶像名人堂》訪問，剖白了很多內心看法。

Photo from IG:frankie729

Photo from ViuTV

Photo from IG:ViuTV

Photo from IG:ahfa0908

花姐讚「Never」角色做得好

「皮皮」Frankie陳瑞輝接受《偶像名人堂》訪問，被問到現時是否找到自己定位時，表示拍完《IT狗》後有問花姐意見「花姐覺得『你做得幾好㗎！』好彩啫！我覺得做戲係繼跳舞後擺自己多啲唔同嘅嘢，做戲都舒服，同埋可以發展落去。《IT狗》我戲份唔多，但有個好強功能性，個名叫『Never』，不停放負嘅角色，但個角色明白晒所有嘅嘢，明白但放負，係講出真相，唔想你哋傷心。」

Photo from IG:frankie729

跳舞是表達自己方式

「皮皮」Frankie陳瑞輝因《造星》而成為MIRROR一分子，他表示自己從小到大都喜歡跳舞，從沒想過自己會做辦公室，而一出來做的職業已經是舞蹈員「以前我個性比較怕醜，唔係好用語言、大庭廣眾去表現自己，除咗跳舞之外。跳舞畀我嘅感覺同所有人接觸，好完整抒發我嘅所有情緒同感覺，變成我身體嘅language。」

Photo from IG:frankie729

入行後知道自己需要改變

「皮皮」Frankie陳瑞輝表示「我對cam嘅怕醜係我以前做開Backup dancer，做開Backup dancer就唔會期望有cam影到我哋㗎嘛，最好有咩錯唔好畀排舞師見到?！久而久之就變咗個氣場係，唔好望我唔好望我，但係我知道係需要改變，作為一個幕前應該係鍾意畀人見到，咁我都好鍾意畀人見到嘅，但係就要將我以前有嘅感覺戒甩先，咁就可以做番自己。」

Photo from IG:frankie729

反思自己目標

「皮皮」Frankie陳瑞輝深明自己在其他MIRROR成員中的發展是較為慢少少，他坦言「因為我嘅性格問題，我都要去爭取多啲嘢嘅時候，我又可能個力度又唔夠大，久而久之會有少少唔開心，就係我努力咗可能公司未睇到，其實嗰下都出道咗年幾兩年，自己嘅步伐比其他MIRROR成員慢少少，自己都有反思。」但同時自己都明白這一行裡有更多人比自己付出或努力更多，同時亦知道自己要更努力及進步「因為對自己嘅standard好高，所以冇乜信心，仲克服緊。」所以唱歌依然是他的目標，但就要更多時間讓自己進步！

Text：TopBeauty Editorial

【IT狗】36歲Johnny仔曾是餐廳太子爺感激谷底遇馮德倫伸援手！

【IT狗】MIRROR隊長Lokman「星之子」喜感十足前財爺讚演技出色！

【IT狗】MIRROR成員Frankie陳瑞輝首次擔正：有信心令觀眾印象深刻！

11 Jan 2022

MIRROR隊長楊樂文（Lokman）、邱士縉（Stanley）以及陳瑞輝（Frankie）主演的ViuTV新劇《IT狗》日前首播，除了喜劇元素外，更是講述一班IT職場上的年輕人掙扎求存的故事。

Photo from IG:viutv

Lokman、Frankie首次擔正公司新劇

今次是MIRROR隊長楊樂文（Lokman）與隊友陳瑞輝（Frankie）首次在ViuTV劇集中擔正演出，之前Lokman在《太平紋身店》也是客串性質，今次他就在《IT狗》中飾演IT界鉅子Tony，隊友Frankie則是他的下屬Never，在別人眼中是常放負能量、悲沉的人，兩人將有很多上司與下屬的對手戲！

Photo from IG:frankie729

Photo from frankie729

Frankie處女作

被視為門面擔當、「無死角美男」的Frankie陳瑞輝，今次更是他的處女作首登大銀幕呢！Frankie曾表示對於第一次拍劇就能拍到喜劇，感到十分驚喜，而自己的角色也比較獨特，是一位「氣氛小偷」，有些對白頗為「惹人討厭」，亦有些對白可令人反思一些事情，雖然對白不算多，但卻句句精警入骨！

Photo from ViuTV

Photo from IG:frankie729

花姐曾提到想改變Frankie「隱形」個性

ViuTV去年播出的《調教你MIRROR》中，梁祖堯（阿祖）當時就受花姐所托要調教Frankie陳瑞輝的被動性格，花姐在節目中提到想改變Frankie陳瑞輝「隱形」的個性，而Frankie也有表示知道自己不是焦點，更坦言出道兩年後「不看好自己在團中的定位」，而在節目後段Frankie聽完嘉賓分享後也表示「自己有點心酸及慚愧，麥子樂的等待好正面，但我自己就會鑽牛角尖、負面，所以應該要感恩現在有的事」更加提到自己往後會學習更加主動！相信一眾皮寶寶亦深深看到你的努力與進步呢！