把後宮只留給老婆和女兒！聶遠從婚姻失敗中學會當個更好的丈夫，把妻女捧在手心上疼愛～！

《延禧攻略》中嘅乾隆可愛又不失霸氣，但礙於帝王身份，佢唔可以真正地愛上任何一個妃嬪；《皓鑭傳》中嘅呂不偉行事果斷，但為咗權力佢甘願拋棄愛情，雖然聶遠喺兩套戲中都飾演嘅角色都無真正幸福嘅愛情，但現實中嘅佢其實係個「最好丈夫」同「女兒傻瓜」，同相差9歲嘅老婆結婚5年並育有一個囡囡，家庭幸福美滿！

2008年與楊光結婚

聶遠曾經經歷過兩段婚姻，佢第一段婚姻係與同門師妹楊光，當年佢地喺一個朋友飯局中一見鐘情，相戀幾個月後便已發展到買樓嘅階段，當時兩人領咗結婚證後，聶爸爸不幸突然病逝，楊光一直喺聶遠身邊默默守護，聶遠為了畀驚喜未婚妻，特地去餅店買咗4件蛋撻，並請師傅喺其中一件蛋撻中藏起一枚鑽戒，最後兩人於2008年9月28日正式結婚。

2012年離婚，將不少財產留給前妻

兩人婚姻維持咗4年便出現危機，2012年4月16日聶遠透過經紀人對外證實離婚消息，並表明係因兩人性格不合導致，離婚後聶遠將不少財產留畀前妻「淨身出户」，呢個係佢畀前任最後嘅照顧～

2014年與秦子越再婚、囡囡出世

離婚2年後聶遠找到一生最愛的女人秦子越，經歷過婚姻失敗，佢更懂得如何做一個好丈夫，維繫長久穩定嘅婚姻關係。除咗更加細心地愛護秦子越外，佢仲會花心思逗老婆開心，3月17日聶遠生日當日佢秘密地託人喺外地買咗一枚3.17卡鑽戒送畀老婆！

2014年5月囡囡「小天天」出世，取名為「聶子一」，2014年8月，兩人舉行婚禮同囡囡聶子一嘅百日宴，老婆喺婚宴上感動落淚，企喺旁邊嘅聶遠見狀，立即伸手溫柔地為妻子拭淚，真係好細心體貼，從此聶遠將後宮只留畀妻女～

小天天出世後聶遠變身「女兒傻瓜」，就算平時拍戲再忙都會搵時間陪伴女兒，拍攝《延禧攻略》時更會帶囡囡到片場開工，所以有「十分奶爸」嘅稱號！

廿四孝爸爸睇透女兒心事，當佢發現囡囡鐘情於飾演「傅恆」嘅許凱時，表示感覺有點不爽，「女兒傻瓜」十分可愛啊！

Text：TopBeauty Editorial

Photo source：Weibo